କଳାହାଣ୍ଡି ଜିଲ୍ଲାର ଅନେକ ମଣ୍ଡିରେ ସରିନି ରବି ଧାନ କିଣା, ଟୋକନ ଥାଇ ଧାନ ବିକି ପାରିଲେନି ଅନ୍ନଦାତା

ଧର୍ମଗଡ : ସରିଲା ଅବଧି । ଶେଷ ହେଲାଣି ରବି ଧାନ କିଣା । କଳାହାଣ୍ଡି ଜିଲ୍ଲାରେ ଧାନ ବିକିବାରୁ ବଞ୍ଚିତ ଅନେକ ଚାଷୀ । ମଣ୍ଡିରୁ ଧାନ ଫେରାଇ ନେବାକୁ ଦିଆଗଲା ନିର୍ଦ୍ଦେଶ । ଧର୍ମଗଡ ଖଇରପଦର, କନ୍ତେର, ପର୍ଲା ଓ ବୋଡ଼େନ ଭଳି ଅନେକ ମଣ୍ଡିରେ ଚାଷୀଙ୍କ ଟୋକନ ଥାଇ ମଧ୍ଯ ଧାନ ବିକ୍ରି କରି ପାରିନାହାନ୍ତି । ପ୍ରଶାସନ ନିକଟରେ ଧାନ କିଣିବାକୁ ଚାଷୀ ଅଭିଯୋଗ କରିଥିଲେ ମଧ୍ଯ କୌଣସି ସୁଫଳ ମିଳି ପାରିନାହିଁ । ଯାହାକୁ ନେଇ ଚିନ୍ତାରେ ଚାଷୀ ।

କଳାହାଣ୍ଡି ଜିଲ୍ଲାରେ ଗତ ମେ ମାସରୁ ମଣ୍ଡି ଆରମ୍ଭ ହୋଇଥିବା ବେଳେ ଗତକାଲି ଅବଧି ଶେଷ ହୋଇଛି । ଦୀର୍ଘ ଦିନ ମଣ୍ଡି ଚାଲି ଥିଲେ ବି ଅନେକ ଚାଷୀ ଧାନ ବିକ୍ରି କରି ପାରିନାହାନ୍ତି । ଗୋଟିଏ ପଟେ ପ୍ରଶାସନର ଅହେତୁକ ଅବହେଳା ଅନ୍ଯପଟେ ବର୍ଷା ଚାଷୀଙ୍କ ଉପରେ ଦାଉ ସାଜିଛି । ସେପଟେ ପ୍ରଶାସନ ମନା କରିବାରୁ ଆଉ ଧାନ କିଣା ଗଲାନି ବୋଲି କହିଛନ୍ତି କ୍ରୟ ଅଧିକାରୀ । ଚାଷୀଙ୍କ ଦୁର୍ଦ୍ଦଶା ପ୍ରତି ସରକାର ଦୃଷ୍ଟି ଦେବା ଜରୁରୀ ହୋଇପଡିଛି ।