ଧନତେରସରେ ଏହି ୧୦ଟି ଭୁଲ କରିପାରେ ଦରିଦ୍ର

ଦୀପାବଳିର ଦୁଇଦିନ ପୂର୍ବରୁ ପଡିଥାଏ ଧନତେରସ । ଏହି ଦିନ ଧନପ୍ରପ୍ତି ପାଇଁ ମା ଲକ୍ଷ୍ମୀ ଓ କୁବେରଙ୍କୁ ପୂଜା କରାଯାଏ  । ଏହି ଧନତେରସ ସଂଧ୍ୟାରେ ପରିବାରର ମଙ୍ଗଳ ପାଇଁ ଯମ ଦେବତାଙ୍କ ପାଇଁ ଘରେ ଦୀପ ଜଳାଯାଏ  । ଏହି ଦିନ ଖୁବ ସାବଧାନ ଓ ନୀତି ନିୟମରେ ଲକ୍ଷ୍ମୀ ଓ କୁବେରଙ୍କ ପୁଜା କରାଯାଏ  । ଏମିତି କିଛି କାର୍ଯ୍ୟ ରହିଛି ଯାହାକୁ ଏହି ଦିନ କରିବା ଅନୁଚିତ  । ଚାଲନ୍ତୁ ଜାଣିବା କଣ ସେ କାମ ଯାହାକୁ ଧନତେରସ ଦିନ କଲେ ଧନହାନୀ ହୋଇଥାଏ  ।….

(୧) ଧନତେରସରେ ଘରେ କେବେ ଅଳିଆ ଆବଜର୍ନା ରଖନ୍ତୁ ନାହିଁ  । ଏହା ପୂର୍ବରୁ ଘରକୁ ସଫା କରନ୍ତୁ  । ଘରେ  ବ୍ୟବହାର ହେଉ ନଥିବା ବା ପଡିଥିବା ପୁରୁଣା ଜିନିଷକୁ  ବାହାର କରି ଫୋପାଡି ଦିଅନ୍ତୁ  । ନ ହେଲେ ଘରକୁ ସକରାତ୍ମକ ଉର୍ଜା ଆସିବାରେ ବାଧା ଉପୁଜିଥାଏ  ।

(୨) ଘରର ମୂଖ୍ୟ ଦ୍ବାରକୁ ସବୁ ବେଳେ ସଫା ରଖନ୍ତୁ  । ଧ୍ୟାନ ଦିଅନ୍ତୁ ଏଠାରେ ଅଳିଆ କିମ୍ବା ଅବ୍ୟବହୃତ ସାମଗ୍ରୀ କେବେ ହେଲେ ରଖନ୍ତୁ ନାହିଁ  । କୁହାଯାଏ ମୂଖ୍ୟ ଦ୍ବାର ଦେଇ ମା ଲକ୍ଷ୍ମୀଙ୍କ ଆଗମନ ହୋଇଥାଏ  ।

(୩) ଭୁଲରେ ବି ଧନତେରସ ଦିନ  କେବଳ କୁବେରଙ୍କୁ ପୂଜା କରନ୍ତୁ ନାହିଁ  । ଏହା ଦ୍ବାରା ଖୁବ ଅଶୁଭ ହୁଏ  । କୁବେରଙ୍କ ସହ ମା ଲକ୍ଷ୍ମୀ ଓ ଧନ୍ବନ୍ତରୀଙ୍କୁ ପୂଜା କରିବା ଉଚିତ  ।

(୪) ଏହି ଦିନ ଭୁଲରେ ବି କୌଣସି କାଚ ଜିନିଷ କିଣନ୍ତୁ ନାହିଁ  । ଧନତେରସ  ଦିନ ସୁନା ରୂପା କିମ୍ବା ନୁଆ ବାସନ କିଣିଲେ ଶୁଭ ହୁଏ ବୋଲି ବିଶ୍ବାସ ରହିଛି  ।

(୫) ଅନେକ ଲୋକଙ୍କ ଧାରଣା  ରହିଛି ଯେ ଏହି ଦିନ କେବଳ ନୂଆ ଜିନିଷ କିଣିଲେ ଶୁଭ ହୋଇଥାଏ  ।  ପୂରା ଦିନ କେବଳ କିଣାକିଣିରେ ସମୟ କାଟନ୍ତୁ ନାହିଁ  । ପୂଜା ପାଠ ସହ ଘରେ ଦୀପ ଜାଳିଲେ ଖୁବ ଶୁଭ ହୋଇଥାଏ  ।

(୬) ଧନତେରସ ଦିନ କେବେ ହେଲେ ଦିନରେ ଶୁଅନ୍ତୁ ନାହିଁ  । ଏହା ଦ୍ବାରା ଦାରିଦ୍ର୍ୟ ବଢିଥାଏ  । ସମ୍ଭବ ହେଲେ ଏହି ଦିନ ରାତ୍ରୀ ଉଜାଗର ରହିଲେ ଭଲ  ।

(୭) ଏହି ଦିନ ଘରେ ଝଗଡା କରନ୍ତୁ ନାହିଁ  । ଘରର ମହିଳା ମାନଙ୍କୁ ସମ୍ମାନ କରନ୍ତୁ ଓ କଳି ଝଗଡାରୁ ଦୁରେଇ ରୁହନ୍ତୁ  ।

(୮) ଧନତେରସ ଦିନ କାହାକୁ ବି ଉଧାର ଦିଅନ୍ତୁ ନାହିଁ  । ଆପଣଙ୍କ ଘରୁ ଲକ୍ଷ୍ମୀଙ୍କୁ  ବାହାରକୁ ଯିବାକୁ ଦିଅନ୍ତୁ ନାହିଁ  ।

(୯) ଏହି ଦିନ କେବେ ହେଲେ ଲୁହାର କୌଣସି ସାମଗ୍ରୀ କିଣନ୍ତୁ ନାହିଁ  । ଏହା ଦ୍ବାରା ଘରେ ଦାରିଦ୍ର୍ୟତା ବାସ କରେ  ।

(୧୦)  ନକଲି ମୂର୍ତ୍ତିର ପୂଜା କରନ୍ତୁ ନାହିଁ  । ସୁନା ରୁପା କିମ୍ବା ମାଟିରେ ତିଆରି ମୂର୍ତ୍ତି ପୁଜା କଲେ ଭଲ  । ହଳଦୀ , କୁଙ୍କୁମରେ ଘରେ ଓଁ, ସ୍ବସ୍ତିକ ଆଙ୍କନ୍ତୁ  । ')}