Dhanteras 2020: ଧନତେରାସରେ ଏହି ସବୁ ଜିନିଷ କିଣିବା ଅତ୍ୟନ୍ତ ଶୁଭ
1 min read
ନୂଆଦିଲ୍ଲୀ: ବର୍ଷ ସାରା ଭିତରେ ଧନତେରାସ ଦିନକୁ କୁଣାକିଣି ପାଇଁ ଶୁଭ ମନେ କରାଯାଏ । ଧନତେରାସକୁ ଧନତ୍ରୟୋଦଶୀ ବୋଲି ମଧ୍ୟ କୁହାଯାଏ । ଏହି ଦିନରେ ପ୍ରତ୍ୟେକ ବ୍ୟକ୍ତି ନିଜ ଆର୍ଥିକ ସ୍ଥିତି ଅନୁଯାୟୀ କିଛି ନା କିଛି ଜିନିଷ କିଣିଥାଏ । ଅଧିକାଂଶ ଲୋକ ଏହି ଦିନରେ ବାସନକୁସନ କିଣିଥାନ୍ତି ଆଉ କିଛି ଲୋକ ନୂଆ ପୋଷାକ କିଣିଥାନ୍ତି । ଧନତେରାସର ଦିନ ଜିନିଷ କିଣାକିଣିରେ ବାସ୍ତୁର ଭୂମିକା ଗୁରୁତ୍ୱପୂର୍ଣ୍ଣ ମନେ କରାଯାଏ ।
ଘରର ବାସ୍ତୁ ଏହା ସ୍ଥିର କରିଥାଏ ଯେ, ଧନତେରାସ ଦିନ କେଉଁ ଜିନିଷ କିଣିବା ଉଚିତ ଏବଂ କେଉଁ ଜିନିଷ କିଣିବା ଅନୁଚିତ । ଏହି ଦିନ ବାସ୍ତୁ ଅନୁସାରେ ଜିନିଷ କିଣିଲେ ଆସନ୍ତା ଦିପାବଳୀ ପର୍ଯ୍ୟନ୍ତ ସମୟ ସର୍ବୋତ୍ତମ ହୋଇଥାଏ । ତେବେ ଆସନ୍ତୁ ଜାଣିବା ଧନତେରାସ ଦିନ ବାସ୍ତୁ ଅନୁଯାୟୀ କେଉଁ ଜିନିଷ ସବୁ କିଣିବା ଉଚିତ ।
ଆପଣଙ୍କ ଘର ଏବଂ ଏହାର ମୁଖ୍ୟ ଦ୍ୱାର ଯେଉଁ ଦିଗରେ ଅବସ୍ଥିତ ସେହି ଅନୁଯାୟୀ କିଣାକିଣି କରିବାକୁ ଚେଷ୍ଟା କରନ୍ତୁ । ଅର୍ଥାତ ଯଦି ଆପଣଙ୍କ ଘର ଆଗ୍ନେୟ କୋଣରେ ଅବସ୍ଥିତ ତେବେ ଆପଣଙ୍କୁ ଧନତେରାସ ଦିନ ରୂପାର ଜିନିଷ କିଣିବା ଉଚିତ । ଯଦି ଆପଣଙ୍କ ଘରର ମୁଖ୍ୟ ଦ୍ୱାର ଦକ୍ଷିଣ ଦିଗରେ ରହିଛି ତେବେ ଆପଣଙ୍କୁ ସୁନା କୁମ୍ବା ତମ୍ବାର ଜିନିଷ କିଣିବା ଉଚିତ । ସେହିଭଳି ଯଦି ଆପଣଙ୍କ ଘରର ମୁଖ୍ୟ ଦ୍ୱାର ନୈରୁତ୍ୱ କୋଣରେ ତଥା ଦକ୍ଷିଣ- ପଶ୍ଚିମ ଦିଗକୁ ରହିଛି ତେବେ ଆପଣଙ୍କୁ ରୁପା ବା ତମ୍ବାରେ ତିଆରି ଜିନିଷ କିଣିବା ଉଚିତ ।
ଯଦି ଆପଣଙ୍କ ଘରର ମୁଖ୍ୟ ଦ୍ୱାର ପଶ୍ଚିମ ଦିଗରେ ରହିଛି ତେବେ ଆପଣଙ୍କୁ ରୁପାର ଜିନିଷ କିଣିବା ଉଚିତ, ଏହା ଆପଣଙ୍କ ପାଇଁ ଖୁବ ଲାଭବାନ ହେବ । ଯଦି ଆପଙ୍କ ଧର ଭାୟଭ୍ୟ କୋଣରେ ତଥା ଉତ୍ତର- ଦକ୍ଷିଣ ଦିଗରେ ଅବସ୍ଥିତ ତେବେ ଧନତେରାସ ଦିନ ଆପଣଙ୍କ ମୋତି ବା ରୁପା କିଣିଲେ ତାହା ଆପଣଙ୍କ ପାଇଁ ଶୁଭ ରହିବ ।
ସେହିଭଳି ଯେଉଁ ବ୍ୟକ୍ତିମାନଙ୍କ ଘରର ମୁଖ୍ୟ ଦ୍ୱାର ଉତ୍ତର ଦିଗକୁ ମୁହଁ କରି ରହିଛି ସେହିମାନେ ଧନତେରାସରେ କଂସା, ପିତ୍ତଳର ଜିନିଷ କିଣିବା ଶୁଭ ରହିବ । ଯଦି ଆପଣଙ୍କ ଧରର ମୁଖ୍ୟ ଦ୍ୱାର ଇଶାନ କୋଣରେ ରହିଛି ତେବେ ଆପଣ ଧନତେରାସରେ ସୁନା ବା ପିତ୍ତଳ କିଣିବା ଉଚିତ । ସୁନା କିଣଇବା ଅଧିକ ଲାଭଦାୟକ ରହିବ ।
ଏହା ବ୍ୟତୀତ ଧନତେରାସ ଦିନ ପ୍ରତ୍ୟେକ ବ୍ୟକ୍ତିଙ୍କୁ ଏକ ନୂଆ ଝାଡ଼ୁ କିଣି ତାକୁ ପୂଜା ନିଶ୍ଚୟ କରିବା ଉଚିତ । ଧନତେରାସ ଦିନ ସୁନା, ରଜତ, ପିତ୍ତଳ, କଂସା ଏବଂ ତମ୍ବା ବ୍ୟତୀତ ଆଫ କୌଣସି ଧାତୁ କିଣିବା ଉଚିତ ନୁହେଁ ।
