ବଢୁଛି ଧାମନଗର ପାରା, ମଇଦାନରେ ହାଇଭୋଲଟେଜ୍ ପ୍ରଚାର

ଧାମନଗର: କମ୍ପୁଛି ଧାମନଗର । ମଇଦାନରେ ହେଭିଓ୍ୱେଟଙ୍କ ଭିଡ଼ । ଘର ଘର ବୁଲି ଭୋଟ ମାଗୁଛନ୍ତି ନେତା । ନିଜ ନିଜ ପ୍ରାର୍ଥୀଙ୍କୁ ଧରି ଲୋକଙ୍କ ନିକଟରେ ପହଞ୍ଚି ଭୋଟ ଭିକ୍ଷା କରୁଛନ୍ତି ଦଳୀୟ କର୍ମୀ । ଧୂଷୁରୀ ଜୋନରେ ଆଜି ବିଜେଡିର ମାରାଥନ ପ୍ରଚାର ଆରମ୍ଭ ହୋଇଛି । ଧୂଷୁରୀ ମିର୍ଗାହାଟକୂଳ ଛକ ନିକଟରୁ ଏକ ବିଶାଳ ବାଇକ ରାଲି ଶୋଭାଯାତ୍ରାରେ ବାହାରି ଧୂଷୁରୀ ଜୋନର ସମସ୍ତ ପଞ୍ଚାୟତକୁ ଯିବ ।

ବିଜେଡି ପ୍ରାର୍ଥୀ ଅବନ୍ତୀ ଦାସଙ୍କ ସପକ୍ଷରେ ଷ୍ଟାର ପ୍ରଚାରକ ଗାଁ ଗାଁ ବୁଲି ପ୍ରଚାର କରିବେ । ନିର୍ବାଚନ ବିଜୟ ସ୍ୱତନ୍ତ୍ର ରଣନୀତି ପ୍ରସ୍ତୁତ କରିଛନ୍ତି ବିଜେଡି, ବିଜେପି ଓ କଂଗ୍ରେସ । ବିଜେଡି ରାଜ୍ୟ ସରକାରଙ୍କ ବିକାଶମୂଳକ ଯୋଜନା ଆଧାରରେ ଭୋଟ୍ ମାଗୁଥିବା ବେଳେ ବିଜେପି ନିଜର ଗଡ଼ ବଞ୍ଚାଇବା ପାଇଁ ଜୋରଦାର କସରତ କରୁଛି । କଂଗ୍ରେସ ଭଲ ସ୍ଥିତିକୁ ଫେରିବା ପାଇଁ ଜୋରଦାର ଉଦ୍ୟମ ଚଳାଇଛି ।