ଦିନିକିଆ ନୂଆପଡ଼ା ଗସ୍ତରେ ଡିଜିପି, ମାଓ ଓ ଆଇନ ଶୃଙ୍ଖଳା ସ୍ଥିତିକୁ କଲେ ସମୀକ୍ଷା

ନୂଆପଡ଼ା: ଦିନିକିଆ ନୂଆପଡା ଗସ୍ତରେ ଡିଜିପି ସୁନିଲ ବଂଶଲ । ନୂଆପଡ଼ା ଜିଲ୍ଲାର ମାଓ ସ୍ଥିତି ଓ ଆଇନଶୃଙ୍ଖଳା ନେଇ ସମୀକ୍ଷା କରିଛନ୍ତି ପୋଲିସ ଡିଜି । ଜିଲ୍ଲାର ଗୌତମା ଏୟାରଷ୍ଟ୍ରିପରେ ପହଞ୍ଚିବା ପରେ ନୂଆପଡା ଏସ୍ପିଙ୍କ କାର୍ଯ୍ୟାଳୟରେ ସମୀକ୍ଷା ବୈଠକରେ ଯୋଗଦେଇଥିଲେ ଡିଜିପି । ଏହି ବୈଠକରେ ନୂଆପଡା ଏସପି ପ୍ରତ୍ୟୁଷ ଦିବାକରଙ୍କ ସମେତ ଗୁଇନ୍ଦା ନିର୍ଦେଶକ ଲଳିତ ଦାସ, IG ଅପରେସନ ଅମିତାଭ ଠାକୁର, DIG ଅନିରୂଢ ସିଂଙ୍କ ସହ ଜିଲ୍ଲାର ଛତିଶଗଡ଼ ସୀମା ଓ ସୀମାବର୍ତୀ ଗାଁରେ ମାଓ ଗତିବିଧିର ସମୀକ୍ଷା କରିଛନ୍ତି । ଆଗକୁ ଥିବା ତ୍ରିସ୍ତରୀୟ ପଂଚାୟତ ନିର୍ବାଚନରେ ଆଇନ ଶୃଙ୍ଖଳା ଉପରେ ଆଲୋଚନା ଓ ସମୀକ୍ଷା କରିଥିଲେ । ଜିଲ୍ଲାର ଛତିଶଗଡ଼ ସୀମାରେ ଗତ ୧୦ ତାରିଖ ଦିନ ଯବାନଙ୍କ ମାଓ ମୁକାବିଲାକୁ ପ୍ରଶଂସା କରିବା ସହ ଧନ୍ୟବାଦ ଦେଇଥିଲେ । ଆଗାମୀ ପଞ୍ଚାୟତ ନିର୍ବାଚନ ଶାନ୍ତି ଶୃଙ୍ଖଳା ସହ ହେବ । ୧୦ ତାରିଖରେ ହୋଇଥିବା ମାଓ ମୁକାବିଲାରେ ମାଓବାଦୀଙ୍କ କେତେ କ୍ଷତି ହୋଇଛି ତା’ର ଗୁଇନ୍ଦା ରିପୋର୍ଟ ଆସିଲେ ଜଣାପଡିବ ବୋଲି ସୂଚନା ଦେଇଛନ୍ତି ଡିଜିପି ସୁନୀଲ ବଂଶଲ ।

 

 

 

Leave a Reply

Your email address will not be published.