ପୁଣି କମବ୍ୟାକ୍ କରୁଛନ୍ତି ଦେବିନା..

ମୁମ୍ବାଇ: ଏକ ଲମ୍ବା ବ୍ୟବଧାନ ପରେ ପୁଣି କମବ୍ୟାକ୍ କରିବାକୁ ଅଣ୍ଟା ଭିଡୁଛନ୍ତି ଦେବିନା ବାନାର୍ଜୀ ।ପୁଣି ନିଜର ଭାଗ୍ୟ ପରୀକ୍ଷା କରିବାକୁ ମନୋରଞ୍ଜନ ଦୁନିଆକୁ ପୁଣି ଫେରୁଛନ୍ତି । ତେବେ ମନଲାଖୀ ଚରିତ୍ରଟିଏ ପାଇଁ ଅପେକ୍ଷା ଦେବିନା । ୨ ହଜାର ମସିହାରେ ପ୍ରସାରିତ ନୂଆ ରାମାୟଣରେ ‘‘ ମା ସୀତା ‘‘ଙ୍କ ଭୂମିକାରେ ଦେବୀନା ଦର୍ଶକଙ୍କୁ ବେସ ପ୍ରଭାବିତ କରିପାରିଥିଲେ ।

କୋଲକତା ସହରରେ ଜନ୍ମ ନେଇଥିବା ଦେବିନା ଖୁବ ଭଲ ପାଠପଢୁଥିବା ସହିତ ଶିକ୍ଷାନୁଷ୍ଠାନରେ ପରିବେଷିତ ବିଭିନ୍ନ ନାଟକରେ ଅଭିନୟ କରି ନିଜକୁ ପରଖୁଥିଲେ । ତେବେ ସେ ପ୍ରଥମେ ଏକ ହିନ୍ଦୀ ଫିଲ୍ମ ‘ଇଣ୍ଡିୟାନ ବାବୁ‘ ରେ ଛୋଟ ଭୂମିକାଟିଏ ପାଇ ଫିଲ୍ମ ଜଗତକୁ ପ୍ରବେଶ କରିଥିଲେ ।ଏହାପରେ ନିଜର ଚମତ୍କାର ଅଭିନୟ ପାଇଁ ସେ ସେହି ବର୍ଷ ତେଲୁଗୁ ଓ କନ୍ନଡ ଫିଲ୍ମରେ ଅଭିନୟ କରି ଦର୍ଶକଙ୍କ ମନ ଜିଣିପାରିଥିଲେ । ଏହାପରେ ଟିଭି ଧାରାବାହିକ ମାୟାବୀ ଓ ୨୦୦୮ରେ ପ୍ରସାରିତ ରାମାୟଣ ଧାରାବାହିକରେ ଅଭିନୟ କରି ବହୁ ପ୍ରଶଂସା ସାଉଁଟିଥିଲେ ।

ଏବଂ ତାଙ୍କର ପରବର୍ତ୍ତୀ ଧାରାବାହିକ ‘ପତି ପତ୍ନୀ ଔର ଓ୍ବ‘ ରେ ତାଙ୍କର ରିଲ୍ ରେ ସାଜିଥିବା ସ୍ବାମୀଙ୍କୁ ବାସ୍ତବ ଜୀବନରେ ମଧ୍ୟ ପତି ରୂପେ ବରଣ କରିଥିଲେ । ବିବାହ ପରେ ସେ କେତକ ତେଲୁଗୁ ଓ ହିନ୍ଦୀ ଫିଲ୍ମ ‘ଖାମୋସୀୟାଁ‘ ଭଳି ଫିଲ୍ମ ମାଧ୍ୟମରେ କମବ୍ୟାକ୍ କରିଥିଲେ ମଧ୍ୟ ଆଶାନୁଯାୟୀ ଫଳ ପାଇ ନଥିଲେ ।ସେଥିପାଇଁ ସେ ଧାରାବାହିକରେ ହିଁ ମନୋନିବେଶ କରିବା ସହିତ ଏକ ଭଲ ସୁଯୋଗର ଅପେକ୍ଷାରେ ରହିଛନ୍ତି ।ତେବେ ଏହି କ୍ରମରେ ସେ ଆହତ, ଚିଡିୟାଘର, ନଦନିୟାନ୍, ୟମ ହେଁ ହମ୍, ତେନାଲି ରାମ , ଲାଲଇସ୍କ ଆାଦି ଧାରାବାହିକରେ ଭିନ୍ନ ଭିନ୍ନ ଭୁମିକାରେ ଅଭିନୟ କରି ଦର୍ଶକଙ୍କର ଖୁବ ମନୋରଞ୍ଜନ କରିବା ସହିତ ସିନେଜଗତରେ ନିଜର ପତିହାରା ଜାହିର କରିବା ପାଇଁ ଉପଯୁକ୍ତ ସମୟ ଅପେକ୍ଷାରେ ଅଛନ୍ତି ।