ଲଜ୍ଜା: ୫ହଜାର ଟଙ୍କାରେ ପୁଅକୁ ବିକିଦେଲା ବାପା, ଥାନାରେ ମା’ଙ୍କ ଅଭିଯୋଗ

ଭୁବନେଶ୍ବର: ଟଙ୍କା ପାଇଁ ପୁଅକୁ ବିକିଦେଲା ବାପା । ସାମାନ୍ୟ ୫ ହଜାର ଟଙ୍କା ପାଇଁ ଛୁଆକୁ ବିକ୍ରି କରିଛି ସୈତାନ୍ ବାପା । ଏଭଳି ଏକ ସାଙ୍ଘାତିକ ଅଭିଯୋଗ ଆଣିଛନ୍ତି ଛୁଆର ମା । ଏ ନେଇ ଚନ୍ଦ୍ରଶେଖରପୁର ଥାନାରେ ସୈତାନ୍ ସ୍ବାମୀ ବିରୋଧରେ ଅଭିଯୋଗ କରିଛନ୍ତି । ସୂଚନାନୁଯାୟୀ ଭୁବନେଶ୍ୱର ଇସନେଶ୍ୱର୍ ବସ୍ତିରେ ରୋଜି ରାଓ ଓ ସେକ ମୁସିବୁଲ ୧୩ ବର୍ଷ ତଳେ ପ୍ରେମ ବିବାହ କରିଥିଲେ । ରୋଜିର ସ୍ବାମୀ ସେକଙ୍କ ଘର କୋଲକାତାର ମେଦିନୀପୁରରେ ଓ ସେ ଭୁବନେଶ୍ୱରରେ ରହି ମିସ୍ତ୍ରୀ କାମ କରୁଥିଲେ । ଉଭୟଙ୍କ ମଧ୍ୟରେ ପ୍ରେମ ବିବାହ ହୋଇଥିଲା  । ସେମାନଙ୍କର ଦୁଇ ପୁଅ ସେକ ରୋହିତ (୮ବର୍ଷ) ଓ  ସେକ ମୁସ୍ତାକ (୬ବର୍ଷ) ।

ବିବାହ ପରେ ସ୍ବାମୀ ସ୍ତ୍ରୀଙ୍କ ମଧ୍ୟରେ ଅନେକ ସମୟରେ ଝଗଡ଼ା ଲାଗି ରହୁଥିଲା ।  ଗତ ବର୍ଷେ ତଳେ ଉଭୟଙ୍କ ମଧ୍ୟ ରେ ଅଧିକ ଝଗଡ଼ା ହୋଇଥିଲା । ଏହା ପରେ ରୋଜିର ସ୍ବାମୀ ସେକ୍ ଘର ଛାଡ଼ି ଚାଲିଯାଇଥିଲେ ।  ଏହାର ୩ ମାସ ପରେ ସ୍ଵାମୀ ଅଚାନକ ରୋଜି ଘରେ ନଥିବା ସମୟରେ ଦୁଇ ପୁଅ ସହ ନିଜର କିଛି କାଗଜପତ୍ର ଓ ଛୁଆଙ୍କ ଡ୍ରେସ୍ ନେଇ ଘରୁ ପଳାଇ ଯାଇଥିଲା । ଅନେକ ଜାଗାରେ ପୁଅକୁ ଖୋଜାଖୋଜି କରିଥିଲେ ରୋଜି ହେଲେ ସ୍ବାମୀ ଓ ପିଲା ର କିଛି ପତ୍ତା ମିଳିନଥିଲା । ଏପରିକି ରୋଜି ସ୍ବାମୀର ନିଜ ଘର ମେଦିନୀପୁର ମଧ୍ୟ ଯାଇ ମଧ୍ୟ ଖୋଜା ଖୋଜି କରିଥିଲେ ।

ଏବେ ରୋଜି ଜାଣିବାକୁ ପାଇଲେ ଯେ ତାଙ୍କ ବଡ ପୁଅକୁ ଭଦ୍ରକ ଧାମନଗର ରେ ଜନୈକ ବ୍ୟକ୍ତିକୁ ୫ ହଜାର ଟଙ୍କା ରେ ବିକ୍ରି କରିଛି ସ୍ବାମୀ ସେକ୍ । ସାନ ପୁଅକୁ ପାଖରେ ରଖିଛି । ଏହା ପରେ ରୋଜି ଧାମ ନଗର ଯାଇ ବିକ୍ରି କରିଥିବା ବ୍ୟକ୍ତିଙ୍କ ଘରେ ପହଞ୍ଚି ପୁଅ କୁ ଭେଟିଥିଲେ । କିନ୍ତୁ ଏହା ପରେ ଧାମନଗର ପୋଲିସ ରେ ଅଭିଯୋଗ କରି ଗତ ୧୯ ତାରିଖ ରେ ଗଲା ବେଳକୁ ପୁଅକୁ ଲୁଚାଇ ଦିଆଯାଇଥିଲା। ସେଠାରେ ଧାମନଗର ପୋଲିସର ମଧ୍ୟ ସହଯୋଗ ନ ମିଳିବାରୁ ରୋଜି କାନ୍ଦି କାନ୍ଦି ଭୁବନେଶ୍ୱର ରେ ପହଞ୍ଚି ଚନ୍ଦ୍ର ଶେଖର ପୂର୍ ଥାନା ରେ ଅଭିଯୋଗ କରିଛନ୍ତି । ଏହି ଖବର ପାଇ ଚାଇଲ୍ଡ ଲାଇନ୍ ର ସଦସ୍ୟା ରୋଜିଙ୍କୁ ଭେଟି ଘଟଣା ବୁଝିଛନ୍ତି । ଏହା ପରେ ରୋଜି କୁ ସାଙ୍ଗରେ ନେଇ ଚନ୍ଦ୍ର ଶେଖରପୁର ଥାନାରେ ଏହାର ବିଧିବଦ୍ଧ ତଦନ୍ତ କରିବା ଦାବି କରିବା ସହ ରୋଜି ର ଦୁଇ ଛୁଆକୁ ଉଦ୍ଧାର କରିବାକୁ ପୋଲିସ ସହ ଆଲୋଚନା କରିଛନ୍ତି ।