ଯେଉଁମାନେ ଶ୍ରୀମନ୍ଦିର ପରିକ୍ରମା ପ୍ରକଳ୍ପକୁ ବିରୋଧ କରୁଛନ୍ତି ସେମାନେ କଳାପାହାଡ଼: ସୁର ରାଉତରାୟ

1 min read

ଭୁବନେଶ୍ୱର: ଶ୍ରୀମନ୍ଦିର ପରିକ୍ରମା ପ୍ରକଳ୍ପକୁ ବିରୋଧ ପ୍ରସଙ୍ଗ । ବିରୋଧକାରୀଙ୍କ ଉପରେ ବର୍ଷିଲେ କଂଗ୍ରସ ବିଧାୟକ ସୁରେଶ ରାଉତରାୟ । ଦେଶର ସବୁ ମନ୍ଦିରର ବିକାଶ ହେଉଛି, ପୁରୀର କାହିଁକି ହେବନି? ପୁରୀ ଶ୍ରୀମନ୍ଦିର ଓ ଲିଙ୍ଗରାଜ ମନ୍ଦିରରେ ବିକାଶ ସମୟରେ ବିରୋଧ କାହିଁକି ହେଉଛି ବୋଲି ପ୍ରଶ୍ନ କରିଛନ୍ତି ଜଟଣୀ ବିଧାୟକ ସୁରେଶ ରାଉତରାୟ । ମନ୍ଦିରରେ ବିକାଶମୂଳକ କାର୍ଯ୍ୟକ୍ରମ ହେବା ଦରକାର । ଏହାକୁ ବିରୋଧ କରିବା ଉଚିତ ନୁହେଁ । ଯେଉଁମାନେ ଏହାକୁ ବିରୋଧ କରୁଛନ୍ତି ସେମାନେ କଳା ପାହାଡ଼ ବୋଲି କଂଗ୍ରେସ ବିଧାୟକ ସୁରେଶ ରାଉତରାୟ କହିଛନ୍ତି ।

ସୂଚନା ଅନୁସାରେ ଶ୍ରୀମନ୍ଦିର ପରିକ୍ରମା ପ୍ରକଳ୍ପକୁ ନେଇ ବିରୋଧୀ ରାଜନୀତି କରୁଛନ୍ତି । ଶ୍ରୀମନ୍ଦିର ପରିକ୍ରମା ପ୍ରକଳ୍ପକୁ ନେଇ ରାଜନୀତି କରାନଯାଉ ବୋଲି କହିଛନ୍ତି ସୁରେଶ ରାଉତରାୟ । ଏହା ସହ ପୁରୀ ସହରକୁ ସୁନ୍ଦର କରିଥିବାରୁ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କୁ ଧନ୍ୟବାଦ ଜଣାଇଛନ୍ତି ଜଟଣୀ ବିଧାୟକ । ଏହାସହ ରାଜ୍ୟର ସବୁ ଧର୍ମାନୁଷ୍ଠାନର ବିକାଶ ହେବା ଦରକାର ବୋଲି କହିଛନ୍ତି କଂଗ୍ରେସ ବିଧାୟକ ସୁରେଶ ରାଉତରାୟ ।

[DISPLAY_ULTIMATE_SOCIAL_ICONS]