କେନ୍ଦ୍ରମନ୍ତ୍ରୀଙ୍କୁ କଡ଼ା ଜବାବ ଦେଲେ ସସ୍ମିତ ପାତ୍ର; 5T ଓ ମୋ ସରକାର ହେଉଛି ସରକାରଙ୍କ ସୁଶାସନର ମଡେଲ
1 min read
ନୂଆଦିଲ୍ଲୀ: ବିଜେଡି ପାଇଁ ନିର୍ବାଚନୀ ବିଜୟ ନୁହେଁ, ବିକାଶ ହିଁ ଏକମାତ୍ର ମଡେଲ । ବିଜେଡି ପାଇଁ ପଦମପୁର ଓ ବିଜେପି ପାଇଁ ଧାମନଗର ମଡେଲ ବୋଲି କହିଥିବା କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନଙ୍କ ବିବୃତ୍ତିର ଜବାବ ଦେଇଛନ୍ତି ବିଜେଡି ସାଂସଦ ସସ୍ମିତ ପାତ୍ର । ସୁଶାସନ ପାଇଁ ନବୀନ ସରକାର ପ୍ରତିବଦ୍ଧ ଅଟନ୍ତି । ବିଜେଡି ସବୁବେଳେ ବିକାଶରେ ବିଶ୍ୱାସ କରେ ବୋଲି ସସ୍ମିତ କହିଛନ୍ତି । ବିଜେଡି କୌଣସି ନିର୍ବାଚନର ବିଜୟକୁ ମଡେଲ ଭାବେ ଗ୍ରହଣ କରେ ନାହିଁ । ବରଂ ସବୁବେଳେ ଲୋକଙ୍କ ବିକାଶ ଉପରେ ଗୁରୁତ୍ୱ ଦିଏ ।
୨୨ ବର୍ଷ ହେଲା ଓଡ଼ିଶାବାସୀଙ୍କ ସେବା କରିଆସୁଛି ବିଜେଡି । ଫାଇଭ-ଟି, ମୋ ସରକାର ଆଦି ସରକାରଙ୍କ ସୁଶାସନର ମଡେଲ । ସାଢେ ଚାରି କୋଟି ଓଡ଼ିଆ ହିଁ ଆମର ଭାଗ୍ୟବିଧାତା । ଦେଶରେ ଓଡ଼ିଶା କେମତି ଏକ ନମ୍ବର ମଡେଲ ହୋଇପାରିବ, ତାହା ସରକାରଙ୍କ ଲକ୍ଷ୍ୟ ବୋଲି କହିଛନ୍ତି ସସ୍ମିତ । ନିର୍ବାଚନର ବିଜୟକୁ ସୁଶାସନର ମଡେଲ ଭାବେ ବିଜେପି ଗ୍ରହଣ ନକରୁ ବୋଲି କହିଛନ୍ତି ସସ୍ମିତ ପାତ୍ର ।
