ବାସୁଦେବପୁରରେ ତାଣ୍ଡବ ରଚିଲା କାଳବୈଶାଖୀ

ବାସୁଦେବପୁର: ତାଣ୍ଡବ ରଚିଲା କାଳବୈଶାଖୀ। ଗତକାଲି କାଳବୈଶାଖୀ ଝଡ଼ ପ୍ରଭାବରେ ଭଦ୍ରକ ଜିଲ୍ଲା ବାସୁଦେବପୁରରେ ବ୍ୟାପକ କ୍ଷୟକ୍ଷତି ହୋଇଛି। ବାସୁଦେବପୁର ବ୍ଲକ ଓ ପୌରପାଳିକାର ବିଭିନ୍ନ ସ୍ଥାନରେ ଘର ଭାଙ୍ଗିବା ସହ ଗଛ ଉପୁଡି ରାସ୍ତା ଅବରୋଧ ହୋଇଛି। ଏହାସହ ବିଦ୍ୟୁତ ଖୁଣ୍ଟ ଉପୁଡିଯିବାରୁ ବିଦ୍ୟୁତ ଯୋଗାଣ ମଧ୍ୟ ବାଧାପ୍ରାପ୍ତ ହୋଇଛି।

କାଳବୈଶାଖୀ ପ୍ରଭାବରେ ଅଟଳ ବିହାରୀ ମହାବିଦ୍ୟାଳୟର ନଳିନୀଦେବୀ ଛାତ୍ରୀ ନିବାସ ଆଗରେ ଥିବା ଏକ ଗଛ ଉପୁଡି ପାଚେରୀ ଭାଙ୍ଗିଛି। ପବନର ବେଗ ଏଭଳି ଥିଲା ଯେ ବାସୁଦେବପୁର ମେଡିକାଲର ସିଲିଙ୍ଗ ମଧ୍ୟ ଖସି ପଡିଥିବା ସୂଚନା ମିଳିଛି।