ଆୟୋଜନ ନକରି ଉପମୁଖ୍ୟମନ୍ତ୍ରୀଙ୍କୁ ଉଦଘାଟନ ପାଇଁ ଡାକି ଦେଲେ, ଆଉ ତା’ପରେ…
ନନ୍ଦିଘୋଷ ବ୍ୟୁରୋ: ଅଧିକାରୀଙ୍କ ବେପରୁଆ ମନୋଭାବରେ ଅସନ୍ତୋଷ ପ୍ରକାଶ କଲେ ଉପ ମୁଖ୍ୟମନ୍ତ୍ରୀ କନକ ବର୍ଦ୍ଧନ ସିଂଦେଓ । ନିଜ ଜିଲ୍ଲା ବଲାଙ୍ଗୀର ଖପ୍ରାଖୋଲ ବ୍ଲକଠାରେ ଆୟୋଜିତ ମତ୍ସ୍ୟ ଓ ପ୍ରାଣୀସମ୍ପଦ ମେଳାରେ ଉପ ମୁଖ୍ୟମନ୍ତ୍ରୀ କନକ ବର୍ଦ୍ଧନ ସିଂଦେଓଙ୍କୁ ମୁଖ୍ୟ ଅତିଥି ଭାବେ ନିମନ୍ତ୍ରଣ କରାଯାଇଥିଲା I ମେଳାକୁ ଉଦଘାଟନ କରିବା ପାଇଁ ଉପ ମୁଖ୍ୟମନ୍ତ୍ରୀ ପହଞ୍ଚିଥିଲେ । କିନ୍ତୁ ଉଦଘାଟନ ପାଇଁ ରିବନ କାଟିବା ନେଇ କଇଁଚି ନଥିଲା । ଅଧିକାରଙ୍କ ଅବହେଳା ଓ ସମୟ ବିଳମ୍ବ ହେବାରୁ ନିଜେ ରିବନ ଟାଣି କାଢ଼ି ଦେଇଥିଲେ ।
ଉପ ମୁଖ୍ୟମନ୍ତ୍ରୀ ଉଦଘାଟନ ପାଇଁ ପହଞ୍ଚି କୌଣସି ପ୍ରସ୍ତୁତି ହେଉ ନଥିବା ଦେଖି ଅସନ୍ତୋଷ ପ୍ରକାଶ କରିଥିଲେ । ଉପମୁଖ୍ୟମନ୍ତ୍ରୀଙ୍କ କାର୍ଯ୍ୟକ୍ରମରେ ଅଧିକାରୀଙ୍କ ଏପରି ବେପରୁଆ କାର୍ଯ୍ୟକୁ ନେଇ ଜିଲ୍ଲାସ୍ତରରେ ଏବେ ଆଲୋଚନାର ବିଷୟ ପାଲଟିଛି । ମତ୍ସ୍ୟ ମେଳାର ଭିଜୁଆଲ ଏବେ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି I ଉପମୁଖ୍ୟମନ୍ତ୍ରୀଙ୍କୁ ଏଭଳି ଅସମ୍ମାନ ନେଇ କର୍ମୀ ମହଲରେ ଅସନ୍ତୋଷ ପ୍ରକାଶ ପାଇଛି ।
