କେବେ ମିଳିବ ଜମାଟଙ୍କା ? ଆଶା ଆଶଙ୍କାରେ ଜମାକାରୀ…

ବାରିପଦା: ବିଳମ୍ବରେ ହେଉ ପଛେ ବାରିପଦା ଅର୍ବାନ କୋପରେଟିଭ୍ ବ୍ୟାଙ୍କରେ ଜମାକାରୀଙ୍କୁ ମିଳିବ ସେମାନଙ୍କ ଜମାରାଶି । ଏନେଇ ଆଶାବାଦୀ ଥିଲେ ଜମାକାରୀ । ହେଲେ ମାମଲା ବାରମ୍ବାର କୋର୍ଟକୁ ଯାଉଥିବାରୁ ସେମାନେ ଆଶଙ୍କାରେ ରହୁଛନ୍ତି ।

କେବେ ମିଳିବ ଜମାଟଙ୍କା ? ଆଶା ଓ ଆଶଙ୍କାରେ ଜମାକାରୀ । ସମବାୟ ବିଭାଗ ଅନୁମତିକୁ ଅପେକ୍ଷା କରିଛନ୍ତି ବ୍ୟାଙ୍କ କର୍ତ୍ତୃପକ୍ଷ । ରାଜ୍ୟର ଅନ୍ୟତମ ଅଗ୍ରଣୀ ସମବାୟ ବ୍ୟାଙ୍କ ଭାବେ ଖ୍ୟାତି ଅର୍ଜନ କରିଥିଲା । ହେଲେ ବ୍ୟାଙ୍କର ପରିଚାଳନା ଗତ ତ୍ରୁଟି ଓ ଖିଲାପି ଋଣ ଆଦାୟ ନହେବାରୁ ବ୍ୟାଙ୍କ ଦୁର୍ବଳ ହେବା ସହ ଆରବିଆଇ ରଦ୍ଦ କରିଥିଲା ଲାଇସେନ୍ସ । ଏପରିକି କାରବାର ଉପରେ ବି ଲଗାଯାଇଥିଲା ରୋକ୍ । ଫଳରେ ହଜାର ହଜାର ଜମାକାରୀ ସେମାନଙ୍କ ଜମାରାଶି ପାଇବାରୁ ବଞ୍ଚିତ ହୋଇଥିଲେ । ଏ ସଂପର୍କରେ ହାଇକୋର୍ଟ ବିଚାର ପରେ ଜମାକାରୀଙ୍କ ସପକ୍ଷରେ ପ୍ରକାଶ ପାଇଥିଲା ରାୟ । ହେଲେ ରାୟ ଆସିବାର ୨ ସପ୍ତାହ ପରେ ବି ଆରମ୍ଭ ହୋଇନି ଫେରସ୍ତ ପ୍ରକ୍ରିୟା ।

ସେପଟେ ରାଜ୍ୟ ସମବାୟ ବିଭାଗର ଅନୁମତିକୁ ଅପେକ୍ଷା କରିଛନ୍ତି ବ୍ୟାଙ୍କ କର୍ତ୍ତୃପକ୍ଷ । ଅନୁମତି ଆସିଲେ ଟଙ୍କା ଫେରସ୍ତ ପ୍ରକ୍ରିୟା ଆରମ୍ଭ ହେବ । ତେବେ ଖୁବଶୀଘ୍ର ଏନେଇ ଏହି ନିର୍ଦ୍ଦେଶନାମା ଆସିବ ଓ ଜମାକାରୀ ସେମାନଙ୍କ ଟଙ୍କା ଫେରିପାଇବେ ବୋଲି ଜଣେ ପୂର୍ବତନ ନିର୍ଦ୍ଦେଶକ କହିଛନ୍ତି । ହାଇକୋର୍ଟଙ୍କ ରାୟ ହଜାର ହଜାର ଜମାକାରୀଙ୍କ ଦୁଃଖ ଲାଘବ କରିବାରେ ସକ୍ଷମ ହୋଇପାରିବ ବୋଲି ଆଶା ରଖିଛନ୍ତି ଜମାକାରୀ ।