କୋଭିଡ ନିୟମ ମାନିଲେନି, ଦ୍ୱିତୀୟ ଥର ଧରାପଡ଼ି ଗଣିଲେ ୧୦ ହଜାର

1 min read

ଦେଓରିଆ: ଲଗାତାର ବଢି ଚାଲିଛି କରୋନା ସଂକ୍ରମଣ । ଉତ୍ତରପ୍ରଦେଶରେ ପ୍ରତିଦିନ ହଜାର ହଜାର କରୋନା ସଂକ୍ରମଣ ମାମଲା ସାମ୍ନାକୁ ଆସୁଛି । ଏକାଧିକ ଲୋକଙ୍କ ଜୀବନ ଯାଉଛି । ମାସ୍କ ପିନ୍ଧିବା ସହିତ ସାନିଟାଇଜର ବ୍ୟବହାର କରିବା ଏବଂ ସାମାଜିକ ଦୂରତା ରକ୍ଷା କରିବାକୁ ସରକାର ବାରମ୍ବାର ଅନୁରୋଧ କରୁଛନ୍ତି । କିନ୍ତୁ ଏଭଳି କିଛି ଲୋକ ଅଛନ୍ତି ଯେଉଁମାନେ ନିଜ କଥା ତ ଭାବିବା ଦୂରର କଥା ବରଂ ଅନ୍ୟ ମାନଙ୍କୁ ସମସ୍ୟାରେ ପକାଇବାକୁ ପଛଘୁଞ୍ଚା ଦେଉ ନାହାଁନ୍ତି । ଏହିଭଳି ଏକ ମାମଲା ସାମ୍ନାକୁ ଆସିଛି । ଏଠାରେ ଜଣେ ବ୍ୟକ୍ତି ୨୪ ଘଣ୍ଟାରେ ବିନା ମାସ୍କରେ ଦୁଇ ଦୁଇଥର ପୋଲିସ ହାତରେ ଧରାପଡ଼ି ୧୦ ହଜାର ଟଙ୍କା ଜୋରିମନା ଗଣିଛନ୍ତି ।

ଉତ୍ତରପ୍ରଦେଶ ସରକାରଙ୍କ ପକ୍ଷରୁ କରାଯାଇଥିବା ଘୋଷଣା ଅନୁସାରେ ଯଦି ଜଣେ ବ୍ୟକ୍ତି ପ୍ରଥମ ଥର ବିନା ମାସ୍କରେ ଧରା ପଡ଼ୁଛନ୍ତି ତେବେ ଏକ ହଜାର ଟଙ୍କା ଫାଇନ ଦେବେ ଏବଂ ଉକ୍ତ ବ୍ୟକ୍ତି ଯଦି ପୁନର୍ବାର ଧରା ପଡ଼ୁଛନ୍ତି ତେବେ ୧୦ ହଜାର ଟଙ୍କାର ଚାଲଣ କଟାଯିବ । ଏଥିପାଇଁ ନିୟମ କଡ଼ାକଡ଼ା ହୋଇଛି ଜୋରଶୋରରେ ଚେକିଂ ଚାଲିଛି ।

ଚେକିଂ ସମୟରେ ପୋଲିସ ଅମରଜିତ ଯାଦବ ନାମକ ଜଣେ ବ୍ୟକ୍ତିକୁ ମାସ୍କ ନପିନ୍ଧିଥିବାରୁ ଅଟକାଇଥିଲା । କିନ୍ତୁ ଗତକାଲି ମାସ୍କ ନ ପିନ୍ଧି ୧ ହଜାର ଟଙ୍କା ଗଣିଥିବା କହିଲେ ଅମରଜିତ । ଯାହାପରେ କୋଭିଡ ନିୟମକୁ ଦ୍ୱିତୀୟ ଥର ପାଇଁ ମାନିନଥିବାରୁ ପୋଲିସ ବାବୁ ୧୦ ହଜାର ଟଙ୍କାର ଚାଲଣ କାଟି ହାତରେ ରସିଦ୍‌ଧରାଇଦେଲେ । ଯାହାର ସୂଚନା ଦେଇଛନ୍ତି ଆରକ୍ଷୀ ଅଧୀକ୍ଷକ ଶ୍ରୀପତି ମିଶ୍ରା । ତେବେ ଏହି ୧୦ ହଜାର ଟଙ୍କାର ଜୋରିମନା ଅମରଜିତ ଦେଇ ଦେଇଥିବା କହିଛନ୍ତି ଆରକ୍ଷୀ ଅଧୀକ୍ଷକ ।

Opn Commnet Area

Leave a Reply

Your email address will not be published. Required fields are marked *

Close Bitnami banner