ଝାଡ଼ଖଣ୍ଡ ଦେଓଘର ରୋପ-ଓ୍ୱେ ଟ୍ରାଜେଡି, ୪୫ ଘଣ୍ଟା ପରେ ବି ଜାରି ରହିଛି ଅପରେସନ

ଝାଡ଼ଖଣ୍ଡ: ଝାଡ଼ଖଣ୍ଡ ଦେଓଘର ତ୍ରିକୂଟ ପର୍ବତ ରୋପଓ୍ବେ ଟ୍ରାଜେଡି । ୪୪ ଘଣ୍ଟା ପରେ ବି ଅପରେସନ ଜାରି । ଏହି ଘଟଣାରେ ୩ ଜଣଙ୍କ ମୃତ୍ୟୁ ହୋଇଥିବାବେଳେ ୪୦ ଲୋକଙ୍କୁ ଉଦ୍ଧାର କରାଗଲାଣି । ତଥାପି ଏବେବି ୬ ଜଣ ଲୋକ ଫସିଥିବା ସୂଚନା ମିଳିଛି । ଉଦ୍ଧାର କାର୍ଯ୍ୟରେ ବାୟୁସେନାର Mi-17 ଓ Mi-17 V5 ହେଲିକପ୍ଟର, ଆଇଟିବିପି, ବିଏସଏଫ, ଏନଡିଆରଏଫ ଟିମ୍ ନିୟୋଜିତ ହୋଇଥିଲେ ବି ଉଦ୍ଧାର କାର୍ଯ୍ୟ ବିଳମ୍ବିତ ହୋଇଛି । ଫସିଥିବା ଲୋକଙ୍କୁ ଡ୍ରୋନ ସହାୟତାରେ ଖାଦ୍ୟ ଓ ପାନୀୟ ଯୋଗାଇଦିଆଯାଉଛି ।

#WATCH | Ropeway accident in Deoghar, Jharkhand: Rescue operation resumes. 7 more people rescued, as per DC Deoghar

(Source: ITBP) pic.twitter.com/MXwBJC5Omz

— ANI (@ANI) April 12, 2022

ସେପଟେ ଗତକାଲି ଉଦ୍ଧାରବେଳେ ଜଣେ ବ୍ୟକ୍ତି ଶେଷ ମୁହୂର୍ତ୍ତରେ ହେଲିକପ୍ଟରରୁ ତଳକୁ ଖସିପଡ଼ି ପ୍ରାଣ ହରାଇଥିଲେ । ଦେଓଘର ଡେପୁଟି କମିଶନର ମଞ୍ଜୁନାଥ ଭଜାନ୍ତ୍ରି କହିଛନ୍ତି ଉଦ୍ଧାର କାର୍ଯ୍ୟ ଜାରି ରହିଛି । ଗତକାଲି ସନ୍ଧ୍ୟା ହୋଇଯିବା ପରେ ଉଦ୍ଧାର କାର୍ଯ୍ୟ ସ୍ଥଗିତ ରହିଥିଲା । ଆଜି ସକାଳୁ ପୁଣି ତାହା ଆରମ୍ଭ ହୋଇଥିଲା । ଅନ୍ୟପକ୍ଷରେ ରୋପ ଓ୍ୱ ଦୁର୍ଘଟଣା ଘଟଣାର ଉଚ୍ଚସ୍ତରୀୟ ତଦନ୍ତ ପାଇଁ ମୁଖ୍ୟମନ୍ତ୍ରୀ ହେମନ୍ତ ସୋରେନ ନିର୍ଦ୍ଦେଶ ଦେଇଛନ୍ତି ।