ନୂଆଦିଲ୍ଲୀ: ରାଜଧାନୀ ଦିଲ୍ଲୀରେ ଘନ କୁହୁଡିର ଆସ୍ତରଣ ଦେଖାଦେଇଛି। ଯାହା ଫଳରେ ସାଧାରଣ ଜୀବନଯାତ୍ରା ଅସ୍ତବ୍ୟସ୍ତ ହୋଇପଡିଛି।
ସୂଚନା ମୁତାବକ ଆଜି ଭୋର ସମୟରେ ଘନ କୁହୁଡି ଯାତାୟତରେ ସମସ୍ୟା ସୃଷ୍ଟି କରିଥିବା ବେଳେ ଗାଡି ଚଳାଇବା ପାଇଁ ଅନେକ ସମସ୍ୟାରେ ପଡିଥିଲେ ଚାଳକ । କିଛି ପଥଚାରୀ କୁହୁଡିର ମଜା ନେବା ସହ ଏହାର ବାସ୍ତବତାକୁ ଅନୁଭବ ବି କରିଥିଲେ ।
ପାଣିପାଗ ବିଭାଗର ସୂଚନା ଅନୁସାରେ ଆହୁରି କିଛି ଦିନ ଧରି କୁହୁଡିର ପ୍ରଭାବ ଜାରି ରହିବ । ସେପଟେ ବରଫ ଘେରରେ ରହିଛି ଉତ୍ତର ଭାରତ । ବରଫ ବର୍ଷା ଯୋଗୁଁ ମିୁସ୍କିଲ ହୋଇଛି ଜନଜୀବନ । ଜାମ୍ମୁ-କାଶ୍ମୀର, ହିମାଚଳ ପ୍ରଦେଶ ଓ ଉତ୍ତରାଖଣ୍ଡର ପାହାଡ଼ି ଅଞ୍ଚଳରେ ଜାରି ରହିଛି ବରଫ ବର୍ଷା । ଫଳରେ ରାସ୍ତାଘାଟ ଗୁଡ଼ିକ ବରଫ ଭର୍ତ୍ତି ହୋଇ ରହିଛି ।
ସେହିପରି ପଶ୍ଚିମ ଓ ଦକ୍ଷିଣ ଭାରତରେ ପାଗ ଧିରେ ଧିରେ ପରିବର୍ତ୍ତନ ହେବାରେ ଲାଗିଛି । କିଛି ଅଞ୍ଚଳରେ ବର୍ଷା ହେବା ଯୋଗୁଁ ଥଣ୍ଡା ବଢିଥିବା ନେଇ ସୂଚନା ମିଳିଛି ।
