କଟକରେ ଡେଙ୍ଗୁ ଭୟ

କଟକ: ବର୍ଷା ପରେ ମାତିଛନ୍ତି ଏଡିସ୍ ମଶା । ମୌସୁମୀ ବର୍ଷା ପରେ ଡେଙ୍ଗୁ ମୁକାବିଲା ପାଇଁ ସିଏମସି ଆରମ୍ଭ କରିଥିଲା  ପ୍ରସ୍ତୁତି । ଓ୍ବାର୍ଡ ଓ ବିଦ୍ୟାଳୟ ସ୍ତରରେ ସଚେତନତା କାର୍ଯ୍ୟକ୍ରମ ଜାରି ରହିଛି । ମଶା ତେଲ ସିଞ୍ଚନ କରାଯାଉଛି । ସିଏମସି ସ୍ବାସ୍ଥ୍ୟ ବିଭାଗର ତଥ୍ୟ ଅନୁସାରେ ଏବେ ସହରରେ ୧୦୨ ଡେଙ୍ଗୁ ରୋଗୀ ଚିହ୍ନଟ ହୋଇଛନ୍ତି । ବିଶେଷକରି ସିଡିଏ ଅଞ୍ଚଳରେ ଡେଙ୍ଗୁ ମୁକାବିଲା ପାଇଁ ବିଭାଗ 4 ଜଣ ନୋଡାଲ ଅଫିସରଙ୍କ ସହ 4ଟି ଟିମ ନିୟୋଜିତ କରିଛି । ଘରକୁ ଘର ବୁଲି ଯାଞ୍ଚ କରୁଛନ୍ତି ଟିମ୍ । ତେବେ ଲୋକମାନଙ୍କ ସଚେତନତା ଅଭାବରୁ ଡେଙ୍ଗୁ ଅଧିକ ବ୍ୟାପୁଥିବା କହିଛନ୍ତି ସ୍ବାସ୍ଥ୍ୟ ଅଧିକାରୀ ।