ଜୋର ଧରିଲା ବିରଜା ମନ୍ଦିର ଖୋଲିବାକୁ ଦାବି
ଯାଜପୁର: ଜୋର ଧରିଲା ବିରଜା ମନ୍ଦିର ଖୋଲିବା ଦାବି । ପୁରୀ ଶ୍ରୀମନ୍ଦିର ଓ ଭୁବନେଶ୍ୱର ଲିଙ୍ଗରାଜ ମନ୍ଦିର ଖୋଲିବା ନେଇ ଦାବି କରାଯିବା ପରେ ଏବେ ଯାଜପୁରର ଅଧିଷ୍ଠାତ୍ରୀ ମା’ ବିରାଜଙ୍କ ମନ୍ଦିର ଖୋଲିବା ପାଇଁ ଦାବି ଜୋର ଧରିଛି ।
ଏନେଇ ଆଜି ସେବାୟତ ପରିଷଦ ପକ୍ଷରୁ ଜିଲ୍ଲାପାଳଙ୍କ ଉଦ୍ଦେଶ୍ୟରେ ଏକ ଦାବିପତ୍ର ପ୍ରଦାନ କରାଯାଇଛି । ରାଜ୍ୟରେ କରୋନା ସ୍ଥିତି ନିୟନ୍ତ୍ରଣକୁ ଆସିବା ପରେ ପୁରୀ ଶ୍ରୀମନ୍ଦିର ଓ ଭୁବନେଶ୍ୱର ମହାପ୍ରଭୁ ଲିଙ୍ଗରାଜ ମନ୍ଦିର ଖୋଲିବା ପାଇଁ ନିଷ୍ପତି ନେଇଛନ୍ତି ରାଜ୍ୟ ସରକାର । ହେଲେ ଯାଜପୁରର ଅଧିଷ୍ଠାତ୍ରୀ ଦେବୀ ମା’ ବିରଜାଙ୍କ ମନ୍ଦିର ଖୋଲିବା ନେଇ କୌଣସି ନିଷତ୍ତି ନିଆଯାଇ ନାହିଁ ।
ଏହାକୁ ପ୍ରତିବାଦ କରି ବୁଧବାର ମୁକ୍ତିମଣ୍ଡପ ସେବାୟତ ପରିଷଦ ପକ୍ଷରୁ ଜିଲାପାଳଙ୍କ ଉଦ୍ଦେଶ୍ୟରେ ଏକ ଦାବି ପତ୍ର ପ୍ରଦାନ କରାଯାଇଛି । ଯେଉଁଥିରେ ଦୀର୍ଘ ୯ ମାସ ହେଲା ମନ୍ଦିର ବନ୍ଦ ହୋଇଥିବାରୁ ସେବାୟତ ମାନେ ଆର୍ଥିକ ସଂକଟ ଦେଇ ଗତି କରୁଛନ୍ତି ବୋଲି କୁହାଯାଇଛି । ତେଣୁ ଶୀଘ୍ର ନିଷ୍ପତ୍ତି ନେଇ ମନ୍ଦିର ଖୋଲିବାକୁ ଦାବି କରିଛନ୍ତି ।
