ବାଂଲାଦେଶର ପୂର୍ବତନ ପ୍ରଧାନମନ୍ତ୍ରୀ ଶେଖ ହାସିନାଙ୍କୁ ପ୍ରତ୍ୟର୍ପଣ ଲାଗି ଉଠିଲା ଦାବି

ନନ୍ଦିଘୋଷ ବ୍ୟୁରୋ : ବାଂଲାଦେଶର ପୂର୍ବତନ ପ୍ରଧାନମନ୍ତ୍ରୀ ଶେଖ ହାସିନାଙ୍କୁ ପ୍ରତ୍ୟର୍ପଣ ଲାଗି ଉଠିଲା ଦାବି। ବ୍ୟାଙ୍କକରେ ଅନୁଷ୍ଠିତ ବିମସଟେକ ସମ୍ମିଳନୀ ଅବସରରେ ଏହି ଦାବି ଉଠାଇଛନ୍ତି ବାଂଲାଦେଶର ମୁଖ୍ଯ ପରାମର୍ଶଦାତା ମହମ୍ମଦ ୟୁନୁସ। ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ସହ ଆଲୋଚନା ବେଳେ ଏହି ଦାବି ଉଠାଇଛନ୍ତି ୟୁନୁସ। ଏହା ସହ ଦୁଇ ନେତାଙ୍କ ମଧ୍ୟରେ ସଂଖ୍ୟାଲଘୁ ସୁରକ୍ଷା, ସୀମା, ବେଆଇନ ଅନୁପ୍ରବେଶ ଆଦି ସମ୍ପର୍କରେ ଆଲୋଚନା ହୋଇଛି। ଭାରତ-ବାଂଲାଦେଶ ସୀମାରେ ବେଆଇନ ଅନୁପ୍ରବେଶ ବଢୁଥିବାରୁ ଏହାକୁ ରୋକିବା ଦିଗରେ ଦୁଇ ଦେଶ ମଧ୍ଯରେ ଆଲୋଚନା ହୋଇଥିଲା। ଏହି ସମ୍ମିଳନୀରେ ବୈଦେଶିକ ବ୍ୟାପାର ମନ୍ତ୍ରୀ ଏସ. ଜୟଶଙ୍କର, ଜାତୀୟ ନିରାପତ୍ତା ପରାମର୍ଶଦାତା ଅଜିତ ଡୋଭାଲ ବି ସାମିଲ ହୋଇଥିଲେ। ଏକ ଶାନ୍ତିପୂର୍ଣ୍ଣ, ପ୍ରଗତିଶୀଳ ଓ ଅନ୍ତର୍ଭୁକ୍ତିମୂଳକ ବାଂଲାଦେଶ ଗଠନ ଦିଗରେ ଭାରତ ଆଗ୍ରହୀ ବୋଲି କହିଥିଲେ ମୋଦୀ।