ନନ୍ଦିଘୋଷ ବ୍ୟୁରୋ : ତେଜିଛି କଟକ ଶୈଳବାଳା ସ୍ଵୟଂଶାସିତ ମହିଳା ମହାବିଦ୍ୟାଳୟକୁ ବିଶ୍ଵବିଦ୍ୟାଳୟ ମାନ୍ୟତା ଦେବା ଦାବିରେ ଆନ୍ଦୋଳନ। ଛାତ୍ରୀମାନେ ରାଜରାସ୍ତାକୁ ଓହ୍ଲାଇଛନ୍ତି। ବିଶ୍ବବିଦ୍ୟାଳୟ ମାନ୍ୟତା ଦାବିରେ ୩୦ ଦିନ ଧାରଣା ପରେ ଗେଟରେ ତାଲା ପକାଇ ରାସ୍ତା ଅବରୋଧ କରିଥିଲେ ଛାତ୍ରୀ । ଶନିବାର ସେମାନେ ରାସ୍ତାରୋକ କରିଥିଲେ। ପ୍ରାଶାସନିକ ଅଧିକାରୀ ଓ ଜନ ପ୍ରତିନିଧି ବୁଝାସୁଝା କରିବା ପରେ ହଷ୍ଟେଲକୁ ଫେରିଥିଲେ ମଧ୍ୟ ଆନ୍ଦୋଳନ ଥମିନାହିଁ ବୋଲି କହିଥିଲେ। ପରବର୍ତ୍ତୀ କାର୍ଯ୍ୟପନ୍ଥା ନେଇ ଆଜି ଏକ ବୈଠକ ବସିବାର ଅଛି। ଏହି ବୈଠକରେ ସ୍ଥିର ହେବ ରଣନୀତି। ଆଗୁ କଣ କରାଯିବ, ଦାବି ପୂରଣ ନେଇ କେଉଁ ପନ୍ଥା ଆପଣାଯିବ, ସେ ନେଇ ବୈଠକରେ ଆଲୋଚନା ହେବ ବୋଲି ଜଣାପଡ଼ିଛି। ଗତକାଲି ଉଚ୍ଚଶିକ୍ଷା ମନ୍ତ୍ରୀ ସୂର୍ଯ୍ୟବଂଶୀ ସୂରଜ କହିଥିଲେ, ଭିତ୍ତିଭୂମି, ଶିକ୍ଷାର ବାତାବରଣକୁ ଦେଖି ବିଶ୍ବବିଦ୍ୟାଳୟ କଥା ସରକାର ବିଚାର କରିବେ।
