୧୪ ଦିନିଆ ଲକଡାଉନରେ ବିକ୍ରି ହେବ ମଦ

ଭୁବନେଶ୍ୱର: ସାପ୍ତାହିକ ସଟଡାଉନ୍ ପରେ ଏବେ ରାଜ୍ୟରେ ୧୪ ଦିନିଆ ଲକଡାଉନ୍ ଜାରି ରହିଛି । ଗତ କାଲି ରାତି ୯ଟାରୁ ଏହି ନିୟମ ଲାଗୁ ହୋଇଛି । କରୋନା ସଂକ୍ରମଣ ରୋକିବାକୁ ରାଜ୍ୟର ୪ ଜିଲ୍ଲା ଓ ଗୋଟିଏ ପୌରାଞ୍ଚଳରେ ଲକଡାଉନ୍ କଟକଣା ଜାରି କରାଯାଇଛି । ଗଞ୍ଜାମ, ଖୋର୍ଦ୍ଧା, କଟକ ଓ ଯାଜପୁର ଜିଲ୍ଲା ସହ ରାଉରକେଲା ମହାନଗର ନିଗମରେ ଲକଡାଉନ୍ ଘୋଷଣା କରାଯାଇଛି । ଦିନକୁ ଦିନ ସଂକ୍ରମିତ ସଂଖ୍ୟା ବୃଦ୍ଧି ଯୋଗୁଁ ଏଭଳି ପଦକ୍ଷେପ ନିଆଯାଇଛି ।

ହେଲେ ଏହି ୧୪ ଦିନିଆ ଲକଡାଉନ୍ ରେ ଅନଲାଇନ୍ ରେ ମଦ ବିକ୍ରି ହେବ । ମଦର ହୋମ୍ ଡେଲିଭରି ପାଇଁ ଓଡିଶା ସରକାର ଅନୁମତି ଦେଇଛନ୍ତି । ତେବେ କରୋନା ସଙ୍କଟ ଓ ଲକଡାଉନ୍ ମଧ୍ୟରେ ମଦ ବିକ୍ରି ହେବ । ଲକଡାଉନ ବେଳେ ସକାଳ ୬ ଟାରୁ ଦିନ ୧ ଟା ପର୍ଯ୍ୟନ୍ତ ଗ୍ରୋସରୀ, ଫଳ, ପରିବା ଓ ଆମିଷ ଦୋକାନ ଖୋଲାରହିବ । ଅନ୍ୟପଟେ ଔଷଧ ଦୋକାନ, ପେଟ୍ରୋଲ ପମ୍ପ ଭଳି ଅତ୍ୟାବଶ୍ୟକ ସାମଗ୍ରୀ ଦୋକାନ ଖୋଲା ରହିବ । ଜୋମାଟୋ, ସ୍ୱିଗି ଭଳି ବିଭିନ୍ନ ଖାଦ୍ୟ ଯୋଗାଣକାରୀ ସଂସ୍ଥା କାର୍ଯ୍ୟ ଜାରି ରଖିବେ ।