ନନ୍ଦିଘୋଷ ବ୍ୟୁରୋ : ନିୟନ୍ତ୍ରଣକୁ ଆସୁନି ଜାତୀୟ ରାଜଧାନୀ ଦିଲ୍ଲୀର ପ୍ରଦୂଷଣ। ଏବେବି ଖରାପ ସ୍ତରରେ ରହିଛି ଜାତୀୟ ରାଜଧାନୀର ବାୟୁ। ହାରାହାରି AQI ୨୬୯ ରେକର୍ଡ କରାଯାଇଛି। ଗତକାଲି ତୁଳନାରେ ଆଜି ପ୍ରଦୂଷଣରେ ସାମାନ୍ୟ ଆଶ୍ଵସ୍ତି ମିଳିଛି। ୨୮ ତଦାରଖ ଷ୍ଟେସନରେ ବାୟୁର ମାନ ଖରାପ ଥିବା ରେକର୍ଡ କରାଯାଇଛି। ତେବେ ୯ଟି ଷ୍ଟେସନରେ ଏହାର ମାତ୍ରା ଅତି ଖରାପ ରହିଛି। ଦିଲ୍ଲୀର ଦ୍ଵାରକା ଓ ବୱାନା ଅଂଚଳରେ AQI ସର୍ବାଧିକ ୩ଶହ ଉପରେ ରେକର୍ଡ କରାଯାଇଛି। ଦ୍ଵାରକାରେ ଏକ୍ଯୁଆଇ ସର୍ବାଧିକ ୩୨୪ ରେକର୍ଡ ହୋଇଛି।ପ୍ରଦୂଷଣ ନିୟନ୍ତ୍ରଣକୁ ଆସୁନଥିବାରୁ କଟକଣା ଜାରି କରିଛନ୍ତି ରାଜ୍ୟ ସରକାର। ଦିଲ୍ଲୀରେ ଖୋଲାରେ ନିଆଁ ଜାଳିବା ଉପରେ କଟକଣା ଜାରି କରାଯାଇଛି। ନିଆଁ ଜାଳିଲେ କାର୍ଯ୍ୟାନୁଷ୍ଠାନ ଲାଗି ନିର୍ଦ୍ଦେଶ ଦେଇଛନ୍ତି ମୁଖ୍ୟମନ୍ତ୍ରୀ।
