୨ ଶିଶୁଙ୍କ ଆଗରେ ମା’କୁ ହତ୍ୟା: ସିସିଟିଭିରେ କଏଦ ହେଲା ସବୁ ଦୃଶ୍ୟ

1 min read

ନୂଆଦିଲ୍ଲୀ: ରାଜଧାନୀ ଦିଲ୍ଲୀରେ ସମସ୍ତଙ୍କୁ ଆଶ୍ଚର୍ଯ୍ୟ କଲା ଭଳି  ଘଟଣା ଘଟିଛି । ଦୁଇ ଶିଶୁଙ୍କ ଆଗରେ ମା’କୁ ହାଣି ହତ୍ୟା କରିଛି ଜଣେ ବ୍ୟକ୍ତି । ଦକ୍ଷିଣ-ପଶ୍ଚିମ ଦିଲ୍ଲୀରେ ଘଟିଛି ଏହି ଘଟଣା । ହତ୍ୟା ପରେ ଅଭିଯୁକ୍ତ ଉକ୍ତ ସ୍ଥାନ ଛାଡ଼ି ଚମ୍ପଟ ମାରିଛି । ଏହି ସବୁ ଘଟଣା ସିସିଟିଭିରେ କଏଦ ହୋଇଛି ।

ସିସିଟିଭିରେ ଦେଖାଯାଉଛି ଯେ, ମହିଳା ଜଣଙ୍କ ନିଜକୁ ରକ୍ଷା କରିବାପାଇଁ ଦୌଡି ଯାଇ ଜଣଙ୍କ ଘରେ ପଶି ଯିବାକୁ ଉଦ୍ୟମ କରୁଛନ୍ତି । ଠିକ୍ ସେହି ସମୟରେ ଅଭିଯୁକ୍ତ ତାଙ୍କ ଉପରେ ଆକ୍ରମଣ କରିଦେଉଛି ।

ମହିଳାଙ୍କ ନାମ ହେଉଛି ଆରତୀ । ସେ ଭାଗମପୁର ଅଞ୍ଚଳରେ ରହୁଥିଲେ । ମହିଳାଙ୍କ ଉପରକୁ ଆକ୍ରମଣ ବେଳେ ଲୋକେ ପୋଲିସକୁ ଖବର ଦେଇଥିଲେ । ପୋଲିସ ସଠିକ୍ ସମୟରେ ପହଞ୍ଚିଥିଲା । ଏହା ପରେ ଗଭୀର ରୂପେ ଆହତ ହୋଇଥିବା ମହିଳାଙ୍କୁ ହସ୍ପିଟାଲରେ ଭର୍ତ୍ତି କରାଯାଇଥିଲା । ଡାକ୍ତର ସେଠାରେ ତାଙ୍କୁ ମୃତ୍ୟୁ ଘୋଷଣା କରିଥିଲେ ।

ପୁଲିସ୍‌ ସିସିଟିଭି ଫୁଟେଜକୁ ଯାଞ୍ଚ କରୁଛି। ସିସିଟିଭିରେ ମହିଳା ଜଣଙ୍କ ଦୁଇ ପିଲାଙ୍କୁ ଧରି ଘରକୁ ଫେରୁଥିବା ବେଳେ ଜଣେ ଯୁବକ ତାଙ୍କ ପିଛା କରିଥିଲା। ଏହା ପରେ ଅଭିଯୁକ୍ତ ଜଣଙ୍କ ତାଙ୍କୁ ଛୁରୀ ଭୁସିବା ସହ ଘଟଣାସ୍ଥଳରୁ ଚମ୍ପଟ ମାରିଥିଲା।