ଡରଉଛି ଦିଲ୍ଲୀ, ଦିନକରେ ୧ ହଜାରରୁ ଅଧିକ କୋଭିଡ୍ ସଂକ୍ରମିତ ଚିହ୍ନଟ

ନୂଆଦିଲ୍ଲୀ: ଦିଲ୍ଲୀରେ ବଢ଼ିଲା କୋଭିଡ୍ ସଂକ୍ରମଣ । ଦୈନିକ ବଢୁଛି କରୋନା ଗ୍ରାଫ୍ । ଚିହ୍ନଟ ହୋଇଛନ୍ତି ୧ ହଜାର ୪୨ ଜଣ ନୂଆ ସଂକ୍ରମିତ । ଏଥିସହ ପ୍ରାଣ ହରାଇଛନ୍ତି ୨ ଜଣ କରୋନା ଆକ୍ରାନ୍ତ ସଂକ୍ରମିତ । ଦିଲ୍ଲୀରେ ସଂକ୍ରମଣ ହାର ୪.୬୪ ପ୍ରତିଶତ ରହିଥିବା ବେଳେ ପ୍ରଶାସନକୁ ଘାରିଛି ଚିନ୍ତା । ଗତ ଫେବ୍ରୁଆରୀ ୧୦ରେ ସବୁଠାରୁ ଅଧିକ ସଂକ୍ରମଣ ସଂଖ୍ୟା ଥିଲା ୧ ହଜାର ୧୦୪ ।

Delhi reports 1,042 fresh #COVID19 cases, 757 recoveries, and 2 deaths in the last 24 hours.

Active cases 3,253
Positivity rate 4.64% pic.twitter.com/sv2jRD2bW7

— ANI (@ANI) April 22, 2022

କିଛିଦିନ ତଳେ ଦିଲ୍ଲୀରେ ମାସ୍କ ନିୟମ ହଟିବା ପରେ ସଂକ୍ରମଣ ବଢିବାରେ ଲାଗିଛି । ଦିଲ୍ଲୀ ସରକାର ବର୍ତ୍ତମାନ ପିଲାଙ୍କୁ ସ୍ୱତନ୍ତ୍ର ଗୁରୁତ୍ୱ ଦେଇଥିବା ବେଳେ ଥର୍ମାଲ ସ୍କ୍ରିନିଂ ବିନା ସ୍କୁଲରେ ପ୍ରବେଶ ଉପରେ ନିଷେଧ୍ୟାଦେଶ ଜାରି କରିଛନ୍ତି । ଦିଲ୍ଲୀ ସରକାର ମାସ୍କକୁ ବାଧ୍ୟତାମୂଳକ କରିଥିବା ବେଳେ ନିୟମ ଉଲ୍ଲଂଘନ କଲେ ୫୦୦ ଟଙ୍କା ଫାଇନ୍ ଧାର୍ଯ୍ୟ କରିଛନ୍ତି ।