ରୋଷେଇ ଘର ଉପରେ ମହଙ୍ଗା ମାଡ଼, ୫୦ ଟଙ୍କା ବଢ଼ିଲା ଗ୍ୟାସ୍ ସିଲିଣ୍ଡର ଦାମ୍
ନୂଆଦିଲ୍ଲୀ: ଦେଶରେ ଜାରି ରହିଛି ମହଙ୍ଗା ମାଡ଼ । ଗୋଟିଏ ପଟେ ଲଗାତାର ତୈଳଦର ବୃଦ୍ଧି ଖାଉଟିଙ୍କ ଅସ୍ତବ୍ୟସ୍ତ କରି ଦେଉଥିବା ବେଳେ ପୁଣି ଗ୍ୟାସ୍ ଦର ବଢ଼ିଛି । ସୋମବାର ଅର୍ଥାତ୍ ଆସନ୍ତାକାଲି ଠାରୁ ଗ୍ୟାସ୍ ସିଲିଣ୍ଡର ମହଙ୍ଗା ହେବାକୁ ଯାଉଛି । ୧୪.୨ କେଜିର ଘରୋଇ ଗ୍ୟାସ୍ ସିଲିଣ୍ଡର ଦାମ୍ ୫୦ ଟଙ୍କା ବଢ଼ିଛି । ସୋମବାର ଦ୍ୱିପ୍ରହର ୧୨ଟା ପରେ ଏହି ନୂଆ ଦର ଲାଗୁ ହେବ ।
ଦର ବଢ଼ିବା ପରେ ସିଲିଣ୍ଡରର ଦାମ ରହିବ ୭୬୯ ଟଙ୍କା । ତେବେ, ସିଲିଣ୍ଡରରେ ଏହି ଦର ବୃଦ୍ଧି ଦିଲ୍ଲୀରେ ହୋଇଛି । ଏହା ପୂର୍ବରୁ ଦିଲ୍ଲୀରେ ଗୋଟିଏ ଘରୋଇ ସିଲିଣ୍ଡରର ଦାମ୍ ୬୯୪ ଟଙ୍କାରୁ ବୃଦ୍ଧି କରାଯାଇ ୭୧୯ ଟଙ୍କା କରାଯାଇଥିଲା । ଏବେ ଓଡ଼ିଶାରେ ଏଲପିଜି ସିଲିଣ୍ଡର ଦାମ୍ ୭୪୫ ଟଙ୍କା ୫୦ ପଇସା ରହିଛି । ସୂଚନା ଯୋଗ୍ୟ, ପ୍ରତିମାସ ୧ ତାରିଖରେ ଏଲପିଜି ଦର ପରିବର୍ତ୍ତନ ହୋଇଥାଏ ।
