ନନ୍ଦିଘୋଷ ବ୍ୟୁରୋ: ରାଜଧାନୀ ଦିଲ୍ଲୀରେ ବିଗିଡିବାରେ ଲାଗଛି ବାୟୁର ଗୁଣବତ୍ତା । ପ୍ରାୟ ୨୩ଟି ସ୍ଥାନରେ AQI ୪୦୦ ଅତିକ୍ରିମ କରିଛି । ଦିଲ୍ଲୀରେ ମୌସୁମୀ ବଦଳିବା ସହ ବାୟୁ ପ୍ରଦୂଷଣ ଯୋଗୁଁ ଲୋକମାନେ ନାହିଁନଥିବା ସମସ୍ୟାର ସମ୍ମୁଖୀନ ହେଉଛନ୍ତି । ବାୟୁ ପ୍ରଦୂଷଣ ଏବଂ ତାପମାତ୍ରା ହ୍ରାସ ହେବା ଯୋଗୁଁ ଲୋକମାନେ ଥଣ୍ଡା, ଜ୍ବର, କାଶ, ଆଖି ସମସ୍ୟା ଏବଂ ନିଶ୍ବାସ ନେବା ଭଳି ରୋଗରେ ପୀଡିତ ହେଉଛନ୍ତି । ବାୟୁ ପ୍ରଦୂଷଣ ଯୋଗୁଁ ଦିଲ୍ଲୀର ୨୩ଟି ଅଞ୍ଚଳକୁ ରେଡ ଜୋନ ଘୋଷଣା କରାଯାଇଛି । ଦିଲ୍ଲୀର ବିଭିନ୍ନ ସ୍ଥାନରେ ୧୧ ଡିଗ୍ରୀ ତଳେ ରହିଛି ତାପମାତ୍ରା । ଦିଲ୍ଲୀରେ ୫ ଦିନ ଧରି ଧୂଆଁ ଧୂଆଁ ପରିବେଶ ରହିବ । ଏହା ସହ ତାପାମାତ୍ରା ହ୍ରାସ ହେବାର ସମ୍ଭାବନା ରହିଥିବା ପାଣିପାଗ ବିଭାଗ କହିଛି । ନେଇଡାରେ AQI ୩୯୨ ରହିଥିବା ବେଳେ ଗାଜିଆବାଦରେ ୩୮୭ ଏବଂ ଗୁରୁଗାଓଁରେ ୨୫୪ ରହିଛି ।
