ବିଷ ବଳୟ ଭିତରେ ଦିଲ୍ଲୀ: ଏୟାର କ୍ୱାଲିଟି ଇଣ୍ଡେକ୍ସ ୫୦୦ ଟପିଥିବା କେନ୍ଦ୍ରୀୟ ପ୍ରଦୂଷଣ ନିୟନ୍ତ୍ରଣ ବୋର୍ଡର ସୂଚନା

ବିଷ ବଳୟରୁ ମୁକୁଳି ପାରୁନି ଦିଲ୍ଲୀ । ଆଜି ବି ଦିଲ୍ଲୀର ବାୟୁମଣ୍ଡଳରେ ସୁଧାର ଆସିପାରିନାହିଁ । ସ୍ଥାନୀୟ ଅଞ୍ଚଳରେ ଆଜି ଏୟାର କ୍ୱାଲିଟି ଇଣ୍ଡେକ୍ସ ୫୦୦ ଟପିଥିବା କେନ୍ଦ୍ରୀୟ ପ୍ରଦୂଷଣ ନିୟନ୍ତ୍ରଣ ବୋର୍ଡ ସୂଚନା ଦେଇଛି । ମଙ୍ଗଳବାର ଏହା ୪୨୫ ରହିଥିଲା । ଯଦି ଶୁକ୍ରବାର ବି ଏଭଳି ପରିସ୍ଥିତି ଲାଗି ରହେ ତାହା ହେଲେ ସ୍ଥିତି ଅଧିକ ବିଗିଡିବାର ସମ୍ଭାବନା ରହିଛି ।

କେନ୍ଦ୍ରୀୟ ପ୍ରଦୂଷଣ ନିୟନ୍ତ୍ରଣ ବୋର୍ଡ ଅନୁସାରେ ଏବେ ଦିଲ୍ଲୀବାସୀ ବାହାରକୁ ଯିବା ଅନୁଚିତ୍‌ । ଏହାକୁ ଦୃଷ୍ଟିରେ ରଖି ଆସନ୍ତାକାଲି ପର୍ଯ୍ୟନ୍ତ ଫରିଦାବାଦ୍‌, ସୋନପତ, ଗୁରୁଗ୍ରାମ, ପାନିପଥ୍‌, ଝାଜର ଜିଲ୍ଲାର ସମସ୍ତ  ସ୍କୁଲ ବନ୍ଦ ରଖାଯାଇଛି । ହରିୟାଣା ଓ ପଞ୍ଜାବର ଚାଷଜମିରେ କୃଷକମାନେ ନଡ଼ା ଜାଳିବା ଯୋଗୁଁ ଦିଲ୍ଲୀର ବାୟୁ ପ୍ରଦୂଷିତ ହେଉଛି ।

ସେପଟେ ଦିଲ୍ଲୀର ବାୟୁ ପ୍ରଦୂଷଣ ପାଇଁ  ନଭେମ୍ବର ୪ ରୁ ୧୫ ତାରିଖ ପର୍ଯ୍ୟନ୍ତ ସହରରେ ଯାନବାହନ ଚଳାଚଳ ଉପରେ ଅଡ୍‌-ଇଭେନ୍‌ କଟକଣା ଲାଗୁ କରାଯାଇଥିଲା ।  ତେବେ ଏଭଳି ସ୍ଥିତି ଜାରି ରହିଲେ  ଅଡ୍‌-ଇବେନ୍‌ କଟକଣା ଅବଧି ବଢାଯିବ ବୋଲି କହିଛନ୍ତି ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲ । ')}