ଡିସେମ୍ବର ୧୩ କିମ୍ବା ପୂର୍ବରୁ ପାର୍ଲାମେଣ୍ଟ ଉପରେ ହେବ ଆକ୍ରମଣ, ଧମକ ଦେଲା ଖଲିସ୍ତାନୀ ଆତଙ୍କବାଦୀ

ନୂଆଦିଲ୍ଲୀ : ପୁଣି ଭାରତକୁ ଧମକ ଦେଲା ଖଲିସ୍ତାନୀ ଆତଙ୍କବାଦୀ ଗୁରପତଓ୍ବନ୍ତ ସିଂ ପନ୍ନୁନ । ଡିସେମ୍ବର ୧୩ କିମ୍ବା ତା ପୂର୍ବରୁ ଭାରତର ପାର୍ଲାମେଣ୍ଟ ଉପରେ ଆକ୍ରମଣ କରାଯିବ ବୋଲି ଏକ ଭିଡିଓରେ ଧମକ ଦେଇଛି ପନ୍ନୁନ । ତାକୁ ହତ୍ୟା କରିବା ଲାଗି ଷଡ଼ଯନ୍ତ୍ର ଉଦ୍ୟମ ବିଫଳ ହୋଇଥିବା କୁହାଯିବା ପରେ ଏହି ଧମକ ଦେଇଛି ପନ୍ନୁନ ।

ବିଗତ ୨୦୦୧ ଡିସେମ୍ବର ୧୩ରେ ଭାରତର ସଂସଦ ଭବନ ଉପରେ ଆତଙ୍କବାଦୀଙ୍କ ଆକ୍ରମଣ ହୋଇଥିଲା । ଏବେ ପୁଣି ସେହି ଧମକ ଭାରତୀୟ ନିରାପତ୍ତା ବାହିନୀ ଲାଗି ଚାଲେଞ୍ଜ ସୃଷ୍ଟି କରିଛି । ଜାରି ହୋଇଥିବା ଭିଡିଓରେ ୨୦୦୧ ପାର୍ଲାମେଣ୍ଟ ଆକ୍ରମଣ ଘଟଣାରେ ଦୋଷୀ ସାବ୍ୟସ୍ତ ଅଫଜଲ ଗୁରୁର ଫଟୋ ଲାଗିବା ସହ ଦିଲ୍ଲୀ ବନେଗା ଖଲିସ୍ତାନ କ୍ଯାପସନ ଦିଆଯାଇଛି ।

ପନ୍ନୁନ ଜଣେ କାନାଡା ଓ ଆମେରିକା ନାଗରିକ ଏବଂ ଶିଖସ୍ ଫର ଜଷ୍ଟିସ ସଂଗଠନର ନେତା । ଏକ ସ୍ବତନ୍ତ୍ର ଶିଖ୍ ଭୂଖଣ୍ଡ ଗଠନ ଲାଗି ସେ ଆହ୍ବାନ ଦେଇଥାଏ । ପଞ୍ଜାବ ଅମ୍ରିତସରରେ ଜନ୍ମିତ ପନ୍ନୁନ ୧୯୯୦ରେ ଶିଖସ୍ ଫର ଜଷ୍ଟିସ ସଂଗଠନ ଗଠନ କରିବା ସହ ବିଭିନ୍ନ ଆତଙ୍କବାଦୀ କାର୍ଯ୍ୟକଳାପରେ ସାମିଲ ହୋଇଆସିଛି ।