ବ୍ରିଜଭୂଷଣ ଶରଣ ସିଂଙ୍କ ବାସଭବନରେ ଦିଲ୍ଲୀ ପୋଲିସ

ନୂଆଦିଲ୍ଲୀ: ରେସଲର ଭର୍ସେସ ଫେଡେରେସନ ବିବାଦ। କୁସ୍ତି ସଂଘ ସଭାପତିଙ୍କ ଘରେ ଦିଲ୍ଲୀ ପୋଲିସ। ଉତ୍ତରପ୍ରଦେଶ ଗୋଣ୍ଡାସ୍ଥିତ ବ୍ରିଜଭୂଷଣ ଶରଣ ସିଂଙ୍କ ବାସଭବନରେ ପହଞ୍ଚିଛି ଦିଲ୍ଲୀ ପୋଲିସର ଏକ ଟିମ୍ । ଯୌନ ଶୋଷଣ ଅଭିଯୋଗ ପ୍ରସଙ୍ଗରେ ପୋଲିସ ୧୨ଜଣଙ୍କ ବୟାନ ରେକର୍ଡ କରିଥିବା ଜଣାପଡ଼ିଛି। ହେଲେ ବ୍ରିଜଭୂଷଣଙ୍କୁ ପୋଲିସ ଜେରା କରିଛି କି ନାହିଁ ସେ ସମ୍ପର୍କରେ ଜଣାପଡ଼ିନାହିଁ।

କୁସ୍ତି ସଂଘ ସଭାପତି ତଥା ବିଜେପି ବାହୁବଳି ନେତା ବ୍ରିଜଭୂଷଣଙ୍କ କେତେଜଣ ସମର୍ଥକଙ୍କୁ ମଧ୍ୟ ପୋଲିସ ପଚରାଉଚରା କରିଥିବା ଜଣାପଡ଼ିଛି। କୁସ୍ତିଯୋଦ୍ଧାଙ୍କ ଯୌନ ଶୋଷଣ ଅଭିଯୋଗ ମାମଲାରେ ଦିଲ୍ଲୀ ପୋଲିସର ସ୍ପେଶାଲ ଇନଭେଷ୍ଟିଗେସନ ଟିମ୍ ଏବେସୁଦ୍ଧା ୧୩୭ଜଣଙ୍କ ବୟାନ ରେକର୍ଡ କରିଛି। ସେପଟେ ଆସନ୍ତା ୯ ତାରିଖରେ ହେବାକୁ ଥିବା ଦେଶବ୍ୟାପୀ ଆନ୍ଦୋଳନକୁ ଖାପ୍ ପଞ୍ଚାୟତ ପକ୍ଷରୁ ସ୍ଥଗିତ ରଖାଯାଇଛି। ସୁପ୍ରିମକୋର୍ଟଙ୍କ ନିର୍ଦ୍ଦେଶ ପରେ ଗତ ଏପ୍ରିଲ ୨୮ତାରିଖରେ ଦିଲ୍ଲୀର କନ୍ନୌଟ ଥାନାରେ ବ୍ରିଜଭୂଷଣଙ୍କ ବିରୋଧରେ ଦୁଇଟି ମାମଲା ରୁଜୁ ହୋଇଥିଲା ।