ଦିଲ୍ଲୀ ପୋଲିସର ଘୋଷଣା: ଦିପ ସିଦ୍ଧୁଙ୍କ ସୂଚନା ଦେଲେ ମିଳିବ ଲକ୍ଷେ ଟଙ୍କା

ନୂଆଦିଲ୍ଲୀ: ଗଣତନ୍ତ୍ର ଦିବସରେ ହିଂସା ଭିଆଇଥିବା ଉପଦ୍ରବୀଙ୍କ ବିରୋଧରେ ପୋଲିସ ଆକ୍ସନ ନେବା ଆରମ୍ଭ କରିଛି । ଲାଲକିଲ୍ଲାରେ ଧାର୍ମିକ ପତାକା ଉଡାଇବା ଅଭିଯୋଗରେ ପଞ୍ଜାବ ଅଭିନେତା ଦିପ ସିଦ୍ଧୁଙ୍କ ଉପରେ ଏକ ଲକ୍ଷ ପୁରସ୍କାର ରାଶି ଘୋଷଣା କରିଛି ଦିଲ୍ଲୀ ପୋଲିସ।

ଦିଲ୍ଲୀ ପୋଲିସ ସ୍କାନରରେ ଏବେ ଅଭିନେତା ଦିପ ସିଦ୍ଧୁ ରହିଛନ୍ତି । ଯିଏ ଦୀପ ସିଦ୍ଧୁଙ୍କୁ ଧରାଇଦେବ ଦିଲ୍ଲୀ ପୁଲିସ୍ ତାକୁ ଏକ ଲକ୍ଷ ଟଙ୍କା ପୁରସ୍କାର ଦେବ ବୋଲି ଘୋଷଣା କରିଛି। ୱାଣ୍ଟେଡ ତାଲିକାରେ ଆହୁରି କିଛି ଉପଦ୍ରବୀ ଅଛନ୍ତି। ଦିପ ସିଦ୍ଧୁ ସମେତ ଆହୁରି ଆଠ ଜଣକୁ ମଧ୍ୟ ଦିଲ୍ଲୀ ପୋଲିସ ଖୋଜୁଛି।

ଅପରପକ୍ଷରେ ଦୀପ ସିଦ୍ଧୁ ଅଜ୍ଞାତ ସ୍ଥାନରୁ ଭିଡିଓ ଜାରି କରି ହିଂସାରେ ତାଙ୍କର କୌଣସି ସଂପୃକ୍ତି ନାହିଁ ବୋଲି ସଫେଇ ଦେଇଛନ୍ତି  । ଘଟଣାରେ ଦିପ ସିଦ୍ଧୁ ହିଁ ଦାୟି ଓ ତା ବିରୋଧରେ ଦୃଢ କାର୍ଯ୍ୟାନୁଷ୍ଠାନ ହେଉ ବୋଲି ଚାଷୀ ନେତାଙ୍କ ସହ ତମାମ ମହଲରୁ ଦାବି ହୋଇଆସୁଛି