ଦିଲ୍ଲୀରେ ଆତଙ୍କବାଦୀ ଆକ୍ରମଣ ଆଶଙ୍କାରେ ହାଇ ଆଲର୍ଟ ଜାରି: ହୋଟେଲ-ଗେଷ୍ଟ ହାଉସରେ ସର୍ଚ୍ଚ ଅପରେସନ ଆରମ୍ଭ

1 min read

ନୂଆଦିଲ୍ଲୀ : ଗୁପ୍ତ ସୂଚନା ଅନୁଯାୟୀ ଜମ୍ମୁ କାଶ୍ମୀରରୁ ୪-୫ ଜଣ ଆତଙ୍କବାଦୀ ଟ୍ରକରେ ବସି ଦିଲ୍ଲୀ ଅଭିମୁଖେ ଆସିଛନ୍ତି । ସୂଚନା ଅନୁଯାୟୀ ଏହି ଆତଙ୍କବାଦୀ ମାନେ ବସ୍, କାର, ଅଟୋ ମାଧ୍ୟମରେ ମଧ୍ୟ ରାଜଧାନୀକୁ ଆସିପାରନ୍ତି ଏବଂ ବଡ଼ ଧରଣ ଆତଙ୍କୀ ହମଲା କରିପାରନ୍ତି ।

ଏହି ଖବର ପରେ  ଦିଲ୍ଲୀକୁ ହାଇ ଆଲର୍ଟରେ ରଖାଯାଇଛି । ସମସ୍ତ ଗେଷ୍ଟ ହାଉସ, ହୋଟେଲ ଏବଂ କାଶ୍ମୀର ନମ୍ବର ପ୍ଲେଟ ଲାଗିଥିବା ଗାଡ଼ି ଗୁଡ଼ିକର ଚେକିଂ ହେବା ଆରମ୍ଭ ହୋଇସାରିଛି । ଦିଲ୍ଲୀରେ ଥିବା ସମସ୍ତ ବସ ଷ୍ଟାଣ୍ଡ୍, ରେଲୱେ ଷ୍ଟେସନରେ ମଧ୍ୟ ହାଇ ଆଲର୍ଟ ଜାରି କରାଯାଇଛି ।

ବଡ଼ ଆତଙ୍କୀ ହମଲା କରିବାର ଷଡଯନ୍ତ୍ର କରି ଆତଙ୍କବାଦୀ ମାନେ ଦିଲ୍ଲୀରେ ପ୍ରବେଶ କରିବା ସୂଚନା ପରେ ଦିଲ୍ଲୀର ସମସ୍ତ ଡିସିପି, ସ୍ପେଶାଲ ସେଲ୍ ଏବଂ କ୍ରାଇମ ବ୍ରଞ୍ଚ ସହିତ ସ୍ପେଶାଲ ବ୍ରାଞ୍ଚକୁ ମଧ୍ୟ ଆଲର୍ଟରେ ରଖାଯାଇଛି ।

ଅନ୍ୟପଟେ ସୀମାରେ ପୁଣି ସକ୍ରିୟ ପାକିସ୍ତାନ । ଜମ୍ମୁରେ ଅସ୍ତ୍ରବିରତୀ ଉଲଙ୍ଘନ କରିଛି ପାକିସ୍ତାନ । ଜମ୍ମୁକାଶ୍ମୀରର କ୍ରିଷ୍ଣା ଘାଟି ଓ ନୌସେରା ସେକ୍ଟରରେ ରାତି ଅଧିଆ ସିଜ୍‌ ଫାୟାରିଂ କରିଛି ପାକ୍‌ ସେନା । କ୍ରିଷ୍ଣାଘାଟି ଅଞ୍ଚଳରେ ରାତି ୩ଟା ୩୦ ମିନିଟରେ ସିଜ୍‌ ଫାୟାରିଂ ହୋଇଥିବା ବେଳେ ନୌସେରା ଅଞ୍ଚଳରେ ଭୋର ୫ଟା ୩୦ରେ ଗୁଳିଚାଳନା ହୋଇଥିଲା ।

ଭାରତୀୟ ସେନା ସଜାଗ ଥିବା ବେଳେ ପାକ୍‌ ସେନାଙ୍କୁ ଜବାବ୍‌ ଦେବାକୁ ତୈୟାର ରହିଛି । ଏଲଏସିରେ ଚୀନର ବିଶ୍ୱାସଘାତକତା ଘଟଣା ମନରୁ ନଲିଭୁଣୁ ପାକିସ୍ତାନ ତାର ନାପାକ୍‌ କାର୍ଯ୍ୟକ୍ରମ ଆରମ୍ଭ କରିଦେଇଛି । ତେବେ ସୀମାରେ ଭାରତୀୟ ସେନା ସଜାଗ ରହିଥିବା ସୂଚନା ରହିଛି ।

Opn Commnet Area

Leave a Reply

Your email address will not be published. Required fields are marked *

Close Bitnami banner