ସାଂସଦ ଅନୁଭବ ମହାନ୍ତିଙ୍କ ସମ୍ମାନହାନୀ ଅଭିଯୋଗ, ଓଟିଭିକୁ ଦିଲ୍ଲୀ କୋର୍ଟଙ୍କ ସମନ

ଭୁବନେଶ୍ୱର: ଓଟିଭିକୁ ଦିଲ୍ଲୀ କୋର୍ଟଙ୍କ ସମନ । ଓଡ଼ିଶା ଟେଲିଭିଜନ ଲିମିଟେଡ୍ ଏମ୍ଡି ଓ ଏଡିଟର ଇନ୍ ଚିଫଙ୍କୁ ଦିଲ୍ଲୀ ମେଟ୍ରୋପଲିଟାନ ମାଜିଷ୍ଟ୍ରେଟ ସମନ ଜାରି କରିଛନ୍ତି। ବିଜେଡି ସାଂସଦ ଅନୁଭବ ମହାନ୍ତିଙ୍କ ସମ୍ମାନହାନୀ ଉଦ୍ୟମ ନେଇ ହୋଇଥିବା ଆବେଦନରେ କୋର୍ଟ ସମନ ଜାରି କରିଛନ୍ତି। ଦାଖଲ ହୋଇଥିବା ପ୍ରମାଣରୁ ପ୍ରାଥମିକ ଯାଞ୍ଚରେ ଅନୁଭବ ମହାନ୍ତିଙ୍କ ସମ୍ମାନହାନୀ ପାଇଁ ଉଦ୍ୟମ ହୋଇଥିବା କୋର୍ଟ ଜାଣିବାକୁ ପାଇଛନ୍ତି । ଆଇପିସି ଧାରା ୫୦୦ ଓ ୩୪ ଅନୁସାରେ ଦଣ୍ଡିତ ହେବା ଭଳି କାର୍ଯ୍ୟ କରିଛନ୍ତି ।

ତେଣୁ ମାର୍ଚ୍ଚ ୨୭ତାରିଖ ସୁଦ୍ଧା କୋର୍ଟରେ ହାଜର ହେବା ପାଇଁ ମେଟ୍ରୋପଲିଟାନ୍ ମାଜିଷ୍ଟ୍ରେଟ୍ ନିର୍ଦ୍ଦେଶ ଦେଇଛନ୍ତି । ଓଡ଼ିଶା ଟେଲିଭିଜନ ପକ୍ଷରୁ ଅନେକ ଥର ଅନୁଭବ ମହାନ୍ତିଙ୍କ ସମ୍ମାନହାନୀ ହେବା ଭଳି ଖବର ପ୍ରସାରଣ କରାଯାଇଛି । ୟୁଟ୍ୟୁବ, ଇମେଲ୍ ଓ ଅନ୍ୟ ସୋସିଆଲ୍ ମିଡିଆ ପ୍ଲାଟଫର୍ମରେ ଅସମ୍ମାନ କରାଯାଇଛି । ଜାଣିଶୁଣି ତାଙ୍କ ସମ୍ମାନହାନୀ କରିବା ଉଦ୍ଦେଶ୍ୟରେ ଏଭଳି କରାଯାଇଥିବା ଅନୁଭବ ଆବେଦନରେ ଅଭିଯୋଗ କରିଛନ୍ତି । ଏଥିସହ ଅନୁଭବ ମହାନ୍ତି ରାଜନୈତିକ କ୍ୟାରିୟରକୁ ମଳିନ କରିବା ପାଇଁ ମିଛ ଅପପ୍ରଚାର କରାଯାଇଥିବା ଅଭିଯୋଗ କରିଛନ୍ତି ।