ବିଷାକ୍ତ ପବନ, ଧୂଆଁପୂର୍ଣ୍ଣ ଆକାଶ ଓ ରାସ୍ତାଘାଟରେ ଅଳିଆ ଆବର୍ଜନା: ଏମିତି ଥିଲା ଦିଲ୍ଲୀର ଦୀପାବଳି

1 min read

ଆଲୋକର ପର୍ବ ଦୀପାବଳି ସରିଯାଇଛି । ଲୋକମାନେ ଖୁବ ଆନନ୍ଦ ଉଲ୍ଲାସର ସହ ଏହି ପର୍ବକୁ ପାଳନ କରିଛନ୍ତି । କିନ୍ତୁ ଦୀପୀବଳିର ପରଦିନ ଅର୍ଥାତ ଆଜିର ସକାଳ ଭିନ୍ନ ଥିଲା ଅନ୍ୟଦିନର ସକାଳ ଠାରୁ । ପରିବେଶରେ ପୂର୍ବଭଳି ଶାନ୍ତ ଓ ସ୍ଥିରତା ନଥିଲା । ସବୁଠି ବିଶାକ୍ତ ପବନ । ଆକାଶ ଧୂଆଁପୂର୍ଣ୍ଣ ହୋଇଯାଇଥିବା ବେଳେ ରାସ୍ତାଘାଟରେ ବାଣର ଆବର୍ଜନା ଓ ଅଳିଆ ପଡ଼ି ରହିଥିଲା । ରାଜଧାନୀ ଦିଲ୍ଲୀ ହେଉ କିମ୍ବା ଲକ୍ଷ୍ନୌ ଅବା ଆଉ କେଉଁ ସହର ସବୁଠି ସମାନ ପରିସ୍ଥିତି । ପ୍ରଦୂଷଣକୁ ଆଖିରେ ରଖି ଯଦିବା ବହୁ ସ୍ଥାନରେ ବାଣକୁ ବ୍ୟାନ କରାଯାଇଥିଲା ଏବଂ ସ୍ୱଚ୍ଛତାକୁ ଗୁରୁତ୍ୱ ଦିଆଯାଇଥିଲା କିନ୍ତୁ ଏସବୁର କୌଣସି ଫଳ ମିଳିନଥିଲା ।

ରବିବାର ପ୍ରାରମ୍ଭିକ ସମୟରେ ଦିଲ୍ଲୀରେ ବାଣର ଶବ୍ଦ ଖୁବ କମ ଶୁଣିବାକୁ ମିଳିଥିଲା । ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲ ଏଥିପାଇଁ ଟ୍ୱିଟ୍ କରି ଶୁଭେଚ୍ଛା ମଧ୍ୟ ଦେଇଥିଲେ କିନ୍ତୁ ରାତି ୮ଟା ପରେ ଦିଲ୍ଲୀରେ ବାଣର ଧୁମ୍ ଦେଖିବାକୁ ମିଳିଥିଲା । ସୁପ୍ରିମକୋର୍ଟଙ୍କ ଆଦେଶ ପରେ ବି ଏହାର ଅବମାନନା କରାଯାଇଛି । ରାତି ୮ଟାରୁ ୧୦ଟା ମଧ୍ୟରେ ପ୍ରବଳ ବାଣ ଫୁଟାଇଥିଲେ ଦିଲ୍ଲୀ ବାସୀ । ଧୂଆଁ ଏତେମାତ୍ରାରେ ଥିଲା ଯେ, ପ୍ରଶାସନକୁ କିଛି ସ୍ଥାନରେ ପାଣି ସ୍ପ୍ରେ କରିବାକୁ ପଡ଼ିଥିଲା । ସବୁଠି ଅସହ୍ୟ ହେଉଥିଲା ଧୂଳି-ଧୂଆଁ ମଧ୍ୟରେ ରହିବା । ସୋମବାର ସକାଳ ହେବା ମାତ୍ରେ ସୂର୍ଯ୍ୟାଲୋକରେ ଏହା ଆହୁରି ଭଲ କରି ଦେଖାଗଲା । ଏତେ ପରିବେଶ ପ୍ରଦୂଷଣ ହୋଇଛି ଯେ, ନିଶ୍ୱାସ ନେବା ମଧ୍ୟ ମୁସ୍କୁଲ ହୋଇପଡୁଛି । ବିଭିନ୍ନ ଅଞ୍ଚଳରେ ପି.ଏମ-୧୦ ଏବଂ ପି.ଏମ-୨.୫ ଲେବଲ୍ ୯୫୦ ଯାଏଁ ପହଁଞ୍ଚି ଯାଇଥିଲା। ')}

[DISPLAY_ULTIMATE_SOCIAL_ICONS]
Opn Commnet Area

Leave a Reply

Your email address will not be published.