ନନ୍ଦିଘୋଷ ବ୍ୟୁରୋ: ରାଜଧାନୀ ଦିଲ୍ଲୀରେ ହିଟ ଆଣ୍ଡ ରନ। ଜଣେ ମହିଳାଙ୍କୁ ଧକ୍କା ଦେଇ ଦୁଇ ବୃଦ୍ଧଙ୍କୁ ଧକ୍କା ଦେଲା ବେକାବୁ କାର। ଧକ୍କା ଦେବା ପରେ ଅନେକ ମିଟର ଘୋଷଡ଼ି ନେଇଗଲା କାର। ଦୁର୍ଘଟଣାରେ ମହିଳା ସମେତ ଅନ୍ୟ ଦୁଇ ବୃଦ୍ଧଙ୍କ ମୃତ୍ଯୁ ହୋଇଥିବା ଜଣାପଡ଼ିଛି। ଦିଲ୍ଲୀ ଉତ୍ତମନଗର ଟର୍ମିନାଲ ନିକଟରେ ଘଟିଥିଲା ଏ ଦୁର୍ଘଟଣା। କାରଟି ଦ୍ରୁତ ଗତିରେ ଯାଉଥିବାରୁ ଘଟିଛି ଏ ଦୁର୍ଘଟଣା। ମୃତକଙ୍କ ମଧ୍ୟରେ ଜଣେ ୭୦ ବର୍ଷୀୟ ବରିଷ୍ଠ ନାଗରିକ ମଧ୍ୟ ରହିଛନ୍ତି। ଦୁର୍ଘଟଣା ଘଟାଇବା ପରେ ଘଟଣାସ୍ଥଳରୁ ଫେରାର ହୋଇଯାଇଛି କାର ମାଲିକ।
