ଅମ୍ଳଜାନ ଅଭାବକୁ ନେଇ କେନ୍ଦ୍ର ସରକାରଙ୍କୁ ହାଇକୋର୍ଟଙ୍କ ଭର୍ତ୍ସନା, ଓଡ଼ିଶା ମଡେଲକୁ ଅନୁକରଣ ପରାମର୍ଶ

ଭୁବନେଶ୍ୱର: କରୋନାର ଦ୍ୱିତୀୟ ପ୍ରବାହ ଦିନକୁ ଦିନ ଭୟାନକ ହେଉଛି । ମହାରାଷ୍ଟ୍ର ଓ ଦିଲ୍ଲୀରେ ଅକ୍ସିଜେନ୍ ବା ଅମ୍ଲଜାନ ଅଭାବ ଚିନ୍ତାର କାରଣ ପାଲଟିଛି । ଅମ୍ଳଜାନ ଅଭାବକୁ ନେଇ ଦିଲ୍ଲୀ ହାଇକୋର୍ଟ କେନ୍ଦ୍ର ସରକାରଙ୍କୁ ଭର୍ତ୍ସନା କରିବା ସହ ଓଡ଼ିଶା କିଭଳି ଅକ୍ସିଜେନ୍ ପରିଚାଳନା କରୁଛି ଶିଖିବା ଆବଶ୍ୟକ ବୋଲି କୋର୍ଟ ଶୁଣାଣି ବେଳେ ମନ୍ତବ୍ୟ ଦେଇଛନ୍ତି ।

ଦେଶରେ କରୋନା ସଂକ୍ରମତି ଓ ସ୍ୱାସ୍ଥ୍ୟସେବା ଲାଗି ଅକ୍ସିଜେନ୍ ନିଅଣ୍ଟ ପଡ଼ିଛି । ଏଭଳି ସ୍ଥଳେ ଶିଳ୍ପକୁ କାହିଁକି ଅକ୍ସିଜେନ୍ ଯୋଗାଣ ଜାରି ରହିଛି ବୋଲି କୋର୍ଟ ପ୍ରଶ୍ନ କରିଛନ୍ତି । ଏହାକୁ ନେଇ କେନ୍ଦ୍ର ଦାୟିତ୍ୱବାନ ହେବା ଉଚିତ୍ ବୋଲି କୋର୍ଟ ତାଗିଦ୍ କରିଛନ୍ତି । କୋର୍ଟ କହିଛନ୍ତି ପେଟ୍ରୋଲିୟମ ଓ ଇସ୍ପାତ ଶିଳ୍ପ ପାଇଁ ଅଧିକ ଅମ୍ଳଜାନ ବ୍ୟବହାର ହେଉଛି । ଅର୍ଥନୀତିକ ଆବଶ୍ୟକତା ପାଇଁ ଆମେ ମହାମାରୀ ବେଳେ ଜୀବନକୁ ଅଣଦେଖା କରି ପାରିବା ନାହିଁ ।

ଅଣ-ଗୁରୁତର କ୍ଷେତ୍ରକୁ ଏପ୍ରିଲ୍ ୨୨ରୁ କାହିଁକି ଆଜିଠୁ କାହିଁକି ଅକ୍ସିଜେନ୍ ବ୍ୟାନ୍ କରାଯିବ ନାହିଁ । କାହିଁକି ରୋଗୀ ୨୨ ତାରିଖ ଯାଏ ଅପେକ୍ଷା କରିବେ ବୋଲି କୋର୍ଟ ପ୍ରଶ୍ନ କରିଛନ୍ତି । ଏଥିସହ ଏକ୍ସିଜେନ୍ ପ୍ରବାହ ୯୫ ଥିବା ବେଳେ ହସ୍ପିଟାଲ ମାନସିକ ଭାରାକ୍ରାନ୍ତ ହୋଇ ରୋଗୀଙ୍କ ଠାରେ ଅକ୍ସିଜେନ୍ ବରବାଦ ନକରୁ ବୋଲି କୋର୍ଟ କହିଛନ୍ତି । ଏଥିସହ ଅକ୍ସିଜେନ୍ କିଭଳି ପରିଚାଳନା ହୁଏ ଅନ୍ୟମାନେ ଓଡ଼ିଶା ଠାରୁ ଶିଖନ୍ତୁ । ଓଡ଼ିଶା ଅକ୍ସିଜେନ୍ ଆବଶ୍ୟକତା ସହ ଅନ୍ୟ ରାଜ୍ୟକୁ ଦେଉଥିବାରୁ ରାଜ୍ୟକୁ ଅନ୍ୟମାନଙ୍କ ଲାଗି ପ୍ରେରଣା ବୋଲି କହିଛନ୍ତି ଦିଲ୍ଲୀ ହାଇକୋର୍ଟ ।

ଏଥିସହ ପଢ଼ନ୍ତୁ- ଅମ୍ଲଜାନ ଅଭାବ ନେଇ ସରକାରଙ୍କ ଉପରେ ବର୍ଷିଲେ ହାଇକୋର୍ଟ