ଦିଲ୍ଲୀରେ ଅକ୍ସିଜେନ୍ ଅଭାବ ନେଇ କେନ୍ଦ୍ରକୁ ପୁଣି କୋର୍ଟଙ୍କ ଭତ୍ସନା, ପରିଚାଳନା କୌଶଳ ନେଇ ଦେଲେ ଓଡ଼ିଶା ଉଦାହରଣ

1 min read
Delhi High Court slams Centre for not diverting enough oxygen

ନୂଆଦିଲ୍ଲୀ: ଦିଲ୍ଲୀରେ ଅକ୍ସିଜେନ୍ ଅଭାବ ଲାଗି ରହିଛି । ପାଟପରଗଞ୍ଜ ମ୍ୟାକ୍ସ ହସ୍ପିଟାଲରେ ଭର୍ତ୍ତି ଗୁରୁତର କରୋନା ରୋଗୀଙ୍କ ଚିକିତ୍ସା ଲାଗି ଅକ୍ସିଜେନ୍ ସରି ଯାଇଥିବା ପିଟିସନର ଜରୁରୀ ଶୁଣାଣି କରିଛନ୍ତି ଦିଲ୍ଲୀ ହାଇକୋର୍ଟ । ଜଷ୍ଟିସ୍ ବିପିନ୍ ସାଂଘି ଓ ଜଷ୍ଟିସ୍ ରେଖା ପଲ୍ଲୀଙ୍କ ଦୁଇ ଜଣିଆ ଖଣ୍ଡପୀଠ ଅକ୍ସିଜେନ୍ ନେଇ କେନ୍ଦ୍ର ସରକାରଙ୍କୁ କଡ଼ା ଭାଷାରେ ଭର୍ତ୍ସନା କରିଛନ୍ତି ।

Delhi High Court slams Centre for not diverting enough oxygen

ଗୁରୁତର କରୋନା ରୋଗୀଙ୍କ ଜୀବନ ବଞ୍ଚାଇବା କେନ୍ଦ୍ର ସରକାରଙ୍କ ଦାୟିତ୍ୱ । ମେଡିକାଲ ଅକ୍ସିଜେନ୍ ଯୋଗାଣ ବିଳମ୍ବ କରିବା ଅର୍ଥ କଣ ବୋଲି ପ୍ରଶ୍ନ କରିଛନ୍ତି କୋର୍ଟ । ହସ୍ପିଟାଲ ଗୁଡ଼ିକରେ କରୋନା ରୋଗୀଙ୍କ ଚିକିତ୍ସା ନେଇ ଅକ୍ସିଜେନ୍ ଆବଶ୍ୟକ ଥିବା ବେଳେ କେନ୍ଦ୍ର ସରକାର ଏନେଇ କାହିଁକି ଗମ୍ଭୀର ନାହାଁନ୍ତି ? ଏହାକୁ ନେଇ ଦିଲ୍ଲୀ ହାଇକୋର୍ଟ ସ୍ତବ୍ଧ ହୋଇଯାଇଛନ୍ତି ।

ସରକାର ଚାହିଁଲେ ସହଜରେ ଇସ୍ପାତ ଓ ପେଟ୍ରୋଲିୟମ ଶିଳ୍ପ ପାଇଁ ବ୍ୟବହୃତ ଅକ୍ସିଜେନ୍ ଯୋଗାଣ କରିପାରିବେ । ଶିଳ୍ପ ଦିନେ ଦୁଇଦିନ ବନ୍ଦ ହୋଇଗଲେ କିଛି ହେବନି । କିନ୍ତୁ ଲୋକଙ୍କୁ ଅକ୍ସିଜେନ୍ ଯୋଗାଣ ବନ୍ଦ କରିହେବ ନାହିଁ ବୋଲି କୋର୍ଟ ଟିପ୍ପଣୀରେ କହିଛନ୍ତି । ଲୋକ ଅକ୍ସିଜେନ୍ ଅଭାବରୁ ମୃତ୍ୟୁବରଣ କରୁଥିବା ବେଳେ ସରକାର ଶିଳ୍ପ କଥା ଚିନ୍ତା କରୁଛନ୍ତି । ଶିଳ୍ପ ଅକ୍ସିଜେନ୍ ପାଇଁ ୨ ସପ୍ତାହ ଅପେକ୍ଷା କରିପାରିବ । କାହିଁକି ସରକାର ଏନେଇ ଭାବୁନାହାଁନ୍ତି ।

Delhi High Court slams Centre for not diverting enough oxygen

ଗତକାଲି ଭଳି ଆଜି ମଧ୍ୟ ଶୁଣାଣି ବେଳେ ଓଡ଼ିଶାର ଅକ୍ସିଜେନ୍ ପରିଚାଳନା ଦକ୍ଷତାକୁ ଦିଲ୍ଲୀ ହାଇକୋର୍ଟ ପ୍ରଶଂସା କରିଛନ୍ତି । ଅକ୍ସିଜେନ୍ ପରିଚାଳନା କିଭଳି ହୁଏ ତାହା ଅନ୍ୟମାନେ ଓଡ଼ିଶାଠାରୁ ଶିଖିବା ଆବଶ୍ୟକ ବୋଲି କୋର୍ଟ କହିଛନ୍ତି । ଓଡ଼ିଶା ନିଜେ ଅକ୍ସିଜେନ୍ ବ୍ୟବହାର କରିବା ସହ ଅନ୍ୟ ରାଜ୍ୟର ଆବଶ୍ୟକତା ପୂରଣ କରୁଛି ।

Opn Commnet Area

Leave a Reply

Your email address will not be published. Required fields are marked *

Close Bitnami banner