କରୋନା ଲଢ଼େଇରେ ଶାହାରୁଖଙ୍କ ବଡ଼ ସହାୟତା: ଟ୍ୱିଟ୍ କରି ଧନ୍ୟବାଦ ଜଣାଇଲେ ସ୍ୱାସ୍ଥ୍ୟମନ୍ତ୍ରୀ
1 min read
ନୂଆ ଦିଲ୍ଲୀ: କରୋନା ଭାଇରସ୍ ବିରୋଧରେ ଏବେ ବିଶ୍ୱବ୍ୟାପୀ ଯୁଦ୍ଧ ଚାଲିଛି। ଏହି ବିପଦପୂର୍ଣ୍ଣ ଭୂତାଣୁ ଓ ତଦ୍ଦଜନିତ ସଂକ୍ରମଣ ସହ ଲଢ଼ିବା ଲାଗି ସରକାରଙ୍କ ସହ କାନ୍ଧରେ କାନ୍ଧ ମିଶାଇ ଛିଡ଼ା ହୋଇଛନ୍ତି ବଲିଉଡର ସେଲେବ୍ରିଟିମାନେ। ସରକାରଙ୍କୁ ଆର୍ଥିକ ସହାୟତା ଦେବା ସହ ଏମାନେ ଜନସାଧାରଣଙ୍କୁ ବିଭିନ୍ନ ଉପାୟରେ ସାହାଯ୍ୟ କରୁଛନ୍ତି ଓ ସଚେତନ ମଧ୍ୟ କରୁଛନ୍ତି। ଅଭିନେତା ସୋନୁ ସୁଦ୍ ପ୍ରବାସୀମାନଙ୍କୁ ଫେରାଇ ଆଣିବାରେ ସାହାଯ୍ୟ କରିଥିବାବଳେ ଶାହାରୁଖ ଖାନ ମଧ୍ୟ ନାନା ଉପାୟରେ ସାହାଯ୍ୟ କରି ସମସ୍ତଙ୍କ ହୃଦୟ ଜିତିଛନ୍ତି। ନିକଟରେ ଦିଲ୍ଲୀର ସ୍ୱାସ୍ଥ୍ୟ ମନ୍ତ୍ରୀ ସତ୍ୟେନ୍ଦ୍ର ଜୈନ୍ ମଧ୍ୟ ଟ୍ୱିଟ୍ କରି ଶାହାରୁଖଙ୍କୁ ଧନ୍ୟବାଦ ଜଣାଇଛନ୍ତି।
View this post on Instagram
ମନ୍ତ୍ରୀ ଟ୍ୱିଟ୍ କରି ଜଣାଇଛନ୍ତି ଯେ ଶାହାରୁଖ କରୋନା ମହାମାରୀର ସଂକଟ ସମୟରେ ଦିଲ୍ଲୀକୁ ୫ଶହ remdesivir ଟୀକା ପ୍ରଦାନ କରିଥିଲେ, ଯାହାକି ଦୀଲ୍ଲୀକୁ କରୋନାସହ ଲଢ଼ିବା ପାଇଁ ବେଶ୍ ଶକ୍ତି ଯୋଗାଇଥିଲା ସେ ଲେଖିଛନ୍ତି, ‘ଆମେ ଶାହାରୁଖ ଓ ମୀର ଫାଉଣ୍ଡେଶନକୁ ହୃୟରୁ ଧନ୍ୟବାଦ ଜଣାଉଛୁ। ସେ ଦିଲ୍ଲୀକୁ ୫ ଶହ ରେମଡେସିଭର୍ ଇଞ୍ଜେକ୍ସନ ଦାନ କରିଥିଲେ, ଯେଉଁ ସମୟରେ ଏହାର ଅତ୍ୟଧିକ ଆବଶ୍ୟକତା ଥିଲା। କଠିନ ସମୟରେ ଆପଣଙ୍କ ସାହାଯ୍ୟ ପାଇଁ ଆମେ କୃତଜ୍ଞ।’ ସତ୍ୟେନ୍ଦ୍ରଙ୍କ ଏହି ଟ୍ୱିଟ୍ ପରେ ଶାହରୁଖଙ୍କର ସମସ୍ତେ ଭୁରି ଭୁରି ପ୍ରଶଂସା କରୁଛନ୍ତି। କିଏ ତାଙ୍କୁ ମସିହା କହୁଛି ତ କିଏ ନିଜକୁ ତାଙ୍କ ଫ୍ୟାନ୍ ହେବାରୁ ଗର୍ହ ଅନୁଭବ କରୁଛନ୍ତି।
We are extremely thankful to Sh. @iamsrk and @MeerFoundation for donating 500 Remdesivir injections at a time when it was needed the most.
we are much obliged for the support extended by you during the time of crisis.
— Satyendar Jain (@SatyendarJain) December 10, 2020
ଏହା ପ୍ରଥମ ଥର ନୁହେଁ ଯେବେ ଶାହାରୁଖ କରୋନା ଲଢ଼େଇରେ ସାହାଯ୍ୟର ହାତ ବଢ଼ାଇଛନ୍ତି। ଏହା ପୂର୍ବରୁ ମଧ୍ୟ ସେ ଏହି ମହାମାରୀ ମୁକାବିଲା ପାଇଁ ବହୁ ପ୍ରକାରେ ସାହାଯ୍ୟ କରିଛନ୍ତି। ପୂର୍ବରୁ ସେ ମହାରାଷ୍ଟ୍ରର ମେଡିକାଲ କର୍ମଚାରୀ ଓ ଡାକ୍ତରଙ୍କ ପାଇଁ ୨୫ ହଜାର ପିପିଇ କିଟ୍ ମଧ୍ୟ ଦାନ କରିଥିଲେ। ଏହା ବ୍ୟତୀତ ମୁମ୍ବାଇରେ ଥିବା ତାଙ୍କ ଚାରି ମହଲା କାର୍ଯ୍ୟାଳୟକୁ ମଧ୍ୟ ସେ ବିଏମସି (ବ୍ରିହାନମୁମ୍ବାଇ ମ୍ୟୁନିସିପାଲ୍ କର୍ପୋରେସନ୍)କୁ କ୍ୱାରେଣ୍ଟାଇନ ସେଣ୍ଟର କରିବାକୁ ଦେଇଛନ୍ତି। ଏହା ବ୍ୟତୀତ ଶାହାରୁଖ ଲକଡାଉନ୍ ସମୟରେ ଅନେକ ଗରିବ ଲୋକଙ୍କୁ ଖାଦ୍ୟ ଓ ଜରୁରୀ ସାମଗ୍ରୀ ମଧ୍ୟ ଯୋଗାଇଛନ୍ତି। କେବଳ ଶାହାରୁଖ ନୁହନ୍ତି, ବଲିଉଡର ବହୁ ସେଲେବ୍ରିଟି ଏଭଳି ଗମ୍ଭୀର ପରିସ୍ଥିତିରେ ସରକାରଙ୍କ ସହ କାନ୍ଧ ମିଶାଇ ଲୋକଙ୍କୁ ସାହାଯ୍ୟ କରୁଛନ୍ତି।
