କୋହଳ ହେଲା କଟକଣା: ରାତି ୧୧ଟାରୁ ସକାଳ ୫ଟା ଯାଏଁ ଲାଗୁ ରହିବ କଟକଣା
1 min read
ନୂଆଦିଲ୍ଲୀ: ଦିଲ୍ଲୀରେ କୋହଳ ହେଲା କୋଭିଡ୍ କଟକଣା । ଆସନ୍ତା ୭ତାରିଖରୁ ସ୍କୁଲ, କଲେଜ ସମେତ ସବୁ ଶିକ୍ଷାନୁଷ୍ଠାନ ଖୋଲିବାକୁ ନିଷ୍ପତ୍ତି । ଦିଲ୍ଲୀ ବିପର୍ଯ୍ୟୟ ପରିଚାଳନା କର୍ତ୍ତୃପକ୍ଷଙ୍କ ବୈଠକରେ ଏ ନେଇ ନିଷ୍ପତ୍ତି ହୋଇଛି । ଶିକ୍ଷାନୁଷ୍ଠାନ ଖୋଲିବାକୁ ଅନୁମତି ମିଳିଥିବା ବେଳେ ରାତ୍ରିକାଳୀନ କର୍ପ୍ୟୁ କଟକଣା କୋହଳ କରାଯାଇଛି । ଏଣିକି ରାତି ୧୧ଟାରୁ ସକାଳ ୫ଟା ଯାଏ କଟକଣା ଲାଗୁ ହେବ ବୋଲି ନିଷ୍ପତ୍ତି ହୋଇଛି । ସମସ୍ତ ଅଫିସ ଶହେ ପ୍ରତିଶତ କର୍ମଚାରୀରେ ଚାଲିବ । ଜିମ୍, ସ୍ପା ଓ ସୁଇମିଂ ପୁଲ୍ ଖୋଲିବାକୁ ଅନୁମତି ମିଳିଥିବା ବେଳେ ସ୍ବତନ୍ତ୍ର SOP ଜାରି କରାଯାଇଛି । ଏହାଛଡ଼ା କାର୍ରେ ଏକା ଯାଉଥିଲେ ମାସ୍କ ପିନ୍ଧିବା ବାଧ୍ୟତାମୂଳକ ନୁହେଁ ବୋଲି ନୂତନ ଗାଇଡ୍ ଲାଇନ ଜାରି ହୋଇଛି ।
