ଦିଲ୍ଲୀରେ ଭୂମିକମ୍ପ, କେଜ୍ରିଓ୍ୱାଲ ଟୁଇଟ୍ କରି କହିଲେ ଏମିତି କଥା…..

ଆଜି ସନ୍ଧ୍ୟା ୭ଟାରେ ଦିଲ୍ଲୀରେ ଭୂମିକମ୍ପ ହୋଇଛି । ତେବେ ଗତ କିଛି ଦିନ ହେବ ଦେଶରେ ଦିଲ୍ଲୀ ଏନସିଆର୍ ଭଳି କିଛି ସ୍ଥାନରେ ଭୂମିକମ୍ପ ଦେଖିବାକୁ ମିଳୁଛି ।  ଆଜିର ଏହି ଭୂମିକମ୍ପର ପ୍ରଭାବ ହରିୟାଣା ଓ ରାଜସ୍ଥାନରେ ମଧ୍ୟ ଅନୁଭୂତ ହୋଇଛି । ନ୍ୟାସନାଲ୍ ସେଣ୍ଟର ଫର୍ ସେସମୋଲୋଜୀର ରିପୋର୍ଟ ଅନୁଯାୟୀ, ଗୁରୁଗ୍ରାମ ହରିୟାଣାର ଦକ୍ଷିଣ-ପଶ୍ଚିମ ଭାଗରେ ତୀବ୍ରତା ୪.୫ ରହିଥିଲା । ସେହିଭଳି ରାଜସ୍ଥାନରେ ୪.୭ ତୀବ୍ର ଭୂମିକମ୍ପ ଦେଖିବାକୁ ମିଳିଛି । ତେବେ ଅନେକ ସ୍ଥାନରେ ଲୋକେ ଭୟଭୀତ ହୋଇ ଘରୁ ବାହାରି ବାହାରକୁ ଚାଲି ଆସିଥିଲେ ।

ଭୂମିକମ୍ପର କିଛି ସମୟ ପରେ ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିଓ୍ୱାଲ ଟୁଇଟ ଯୋଗେ ଏନେଇ ସୂଚନା ଦେଇଥିଲେ । ଟୁଇଟରେ ଲେଖାଥିଲା ଯେ, କିଛି ସମୟ ପୂର୍ବରୁ ଦିଲ୍ଲୀରେ ଧୀର ଭୂମିକମ୍ପ ହୋଇଛି । ଆଶା, ଆପଣମାନେ ସୁରକ୍ଷିତ ଥିବେ । ନିଜ ସ୍ୱାସ୍ଥ୍ୟର ଯତ୍ନ ନିଅନ୍ତୁ । ଉଲ୍ଲେଖଯୋଗ୍ୟ ଯେ ଗତ ଦୁଇ ମାସ ମଧ୍ୟରେ ଦିଲ୍ଲୀରେ ୧୪ଥର ଭୂମିକମ୍ପ ହୋଇସାରିଛି ।