ତିହାର ଜେଲରେ ଇଡି ଟିମ୍, ମନିଷ ସିସୋଦିଆଙ୍କୁ କରୁଛି ଜେରା

ନୂଆଦିଲ୍ଲୀ: ତିହାର ଜେଲରେ ଇଡି ଟିମ୍। ଆଜି ବି ତିହାର ଜେଲରେ ସିସୋଦିଆଙ୍କୁ ଜେରା କରିଛି ଇଡି। ଦିଲ୍ଲୀର ପୂର୍ବତନ ଉପମୁଖ୍ୟମନ୍ତ୍ରୀ ମନିଷ ସିସୋଦିଆଙ୍କୁ ବିବାଦୀୟ ମଦ ନୀତିକୁ ନେଇ ଇଡି ଟିମ୍ ପଚରାଉଚରା କରୁଛି । ଗତକାଲି ବି ଜେଲ ଭିତରେ ସିସୋଦିଆଙ୍କୁ ଇଡି ଟିମ ପଚରାଉଚରା କରିଥିଲା ।

ସେପଟେ ଇଡି ଜେରାକୁ ନେଇ ଅସନ୍ତୋଷ ବ୍ୟକ୍ତ କରିଛି ଆମ ଆଦମୀ ପାର୍ଟି । ଇଡି ଟିମ ପୂର୍ବରୁ ବି ଅନେକ ଥର ସିସୋଦିଆଙ୍କ ଘର, ଅଫିସରେ ରେଡ କରିଛି । କିଛି ପ୍ରମାଣ ପାଇ ନଥିବା ବେଳେ ଦୁଇ ଦିନ ଧରି ଜେରାରେ କ’ଣ ପ୍ରମାଣ ଇଡି ହାତରେ ଲାଗିଛି, ତାହା ଅଫିସରମାନେ ସ୍ପଷ୍ଟ କରିବା ଦରକାର ବୋଲି କହିଛନ୍ତି ଆପ୍ ନେତା ସୌରଭ ଭରଦ୍ବାଜ। ମନିଷ ସିସୋଦିଆ ଓ ସତ୍ୟେନ୍ଦ୍ର ଜୈନଙ୍କ ଭଳି ମନ୍ତ୍ରୀଙ୍କୁ ଷଡ଼ଯନ୍ତ୍ର କରି ଜେଲରେ ପୁରାଇ ଦିଆଯାଇଛି ବୋଲି ସୌରଭ କହିଛନ୍ତି।