ଆଜି ଭୋଟ୍ ଦେବ ଦିଲ୍ଲୀ, କିଛି ସମୟ ପରେ ଆରମ୍ଭ ହେବ ମତଦାନ
ନୂଆଦିଲ୍ଲୀ: ଆଜି ଦିଲ୍ଲୀ ବିଧାନସଭା ନିର୍ବାଚନ । ଆଉ କିଛି ସମୟ ପରେ ଆରମ୍ଭ ହୋଇଯିବ ମତଦାନ । ୭୦ ଟି ବିଧାନସଭା ଆସନ ପାଇଁ ଆଜି ଗୋଟିଏ ପର୍ଯ୍ୟାୟରେ ହେଉଛି ମତଦାନ । ୬୭୨ ଜଣ ପ୍ରାର୍ଥିଙ୍କ ଭାଗ୍ୟ ଆଜି ଇଭିଏମରେ କଏଦ ହେବ ।
ଆସନ୍ତା ୧୧ରେ ଭୋଟଗଣତି ହୋଇ ଫଳାଫଳ ପ୍ରକାଶ ପାଇବ । ଏଥିପାଇଁ ଦିଲ୍ଲୀରେ କଡ଼ା ସୁରକ୍ଷା ବ୍ୟବସ୍ଥା ଗ୍ରହଣ କରାଯାଇଛି । ବୁଥ ସ୍ତରରେ ମଧ୍ୟ ସୁରକ୍ଷା ବ୍ୟବସ୍ଥାକୁ ମଝଭୁତ କରାଯାଇଛି ।
ଆମ୍ ଆଦମୀ ପାର୍ଟି ଓ ବିଜେପି ମଧ୍ୟରେ କଡା ଟକ୍କର ହେଉଛି । ବିଜେପି, ଆପ୍, କଂଗ୍ରେସ, ବିଏସପି, ଜେଡିୟୁ, ଏଲଜେପିର ପ୍ରାର୍ଥି ମାନେ ଏଥର ମଇଦାନକୁ ଓହ୍ଲାଇଛନ୍ତି । ସକାଳ ୮ଟାରୁ ସଂଧ୍ୟା ୬ଟା ପର୍ଯ୍ୟନ୍ତ ମତଦାନ ହେବ । ଏଥିପାଇଁ ସମସ୍ତ ପ୍ରସ୍ତୁତି ଶେଷ ହୋଇଛି ।
