ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲ କୋଭିଡ୍ ସଂକ୍ରମିତ

ନୂଆଦିଲ୍ଲୀ: କୋଭିଡ୍ ସଂକ୍ରମିତ ହେଲେ ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲ । କୋଭିଡ୍ ସଂକ୍ରମିତ ହୋଇଥିବା ନେଇ କେଜ୍ରିୱାଲ୍ ନିଜେ ଟ୍ୱିଟ୍ କରିଛନ୍ତି । ତାଙ୍କ ଠାରେ କୋଭିଡର ସ୍ୱଳ୍ପ ଲକ୍ଷଣ ରହିଛି । ଘରେ ଆଇସୋଲେସନରେ ରହିଛନ୍ତି କେଜ୍ରିୱାଲ । ବିଗତ କିଛିଦିନ ମଧ୍ୟରେ ତାଙ୍କ ସହ ମିଶିଥିବା ଲୋକ ତୁରନ୍ତ କୋଭିଡ୍ ପରୀକ୍ଷା କରାଇ କ୍ୱାରେଣ୍ଟାଇନରେ ରହିବାକୁ କେଜ୍ରିୱାଲ କହିଛନ୍ତି ।

I have tested positive for Covid. Mild symptoms. Have isolated myself at home. Those who came in touch wid me in last few days, kindly isolate urself and get urself tested

— Arvind Kejriwal (@ArvindKejriwal) January 4, 2022

ସୋମବାର ଆମ୍ ଆଦମୀ ପାର୍ଟିର ଆବାହକ କେଜ୍ରିୱାଲ ଉତ୍ତରାଖଣ୍ଡରେ ଜନସଭା କରିଥିଲେ । ଆଗକୁ ଉତ୍ତରାଖଣ୍ଡ ବିଧାନସଭା ନିର୍ବାଚନ ଥିବାବେଳେ ଡେରାଡୁନରେ ଲୋକଙ୍କୁ ସମ୍ବୋଧନ କରିଥିଲେ । ଦିଲ୍ଲୀର କୋଭିଡ୍ ସ୍ଥିତି ନେଇ ଆଜି ଡିଡିଏମ୍ଏର ବୈଠକ ବସିବ । ଯେଉଁଥିରେ ମୁଖ୍ୟମନ୍ତ୍ରୀ କେଜ୍ରିୱାଲ୍ ସାମିଲ୍ ହେବାର ଥିଲା ।

ଗତ ୨ ସପ୍ତାହ ହେଲା ଦିଲ୍ଲୀରେ କୋଭିଡ୍ ସଂକ୍ରମଣ ମାମଲା ବଢ଼ିବାରେ ଲାଗିଛି । ଗତ ୨୪ ଘଣ୍ଟାରେ ଦିଲ୍ଲୀରେ ୪ ହଜାର ୯୯ଟି କୋଭିଡ୍ ସଂକ୍ରମଣ ମାମଲା ଚିହ୍ନଟ ହୋଇଥିଲେ । ଦିଲ୍ଲୀରେ କୋଭିଡ୍ ପଜିଟିଭ୍ ରେଟ୍ ୬.୪୬ ପ୍ରତିଶତ ରହିଛି ।