ଇନ୍ଦୋରରେ ଜରୁରୀକାଳୀନ ଲ୍ୟାଣ୍ଡିଂ କଲା ଭିସ୍ତାରା ଫ୍ଲାଇଟ୍, ରୋଗୀ ମୃତ ଘୋଷିତ
1 min read
ଗୁରୁବାର ଦିଲ୍ଲୀ ଅଭିମୁଖେ ଯାତ୍ରା କରୁଥିବା ଭିସ୍ତାରା ବିମାନକୁ ମଧ୍ୟପ୍ରଦେଶର ଇନ୍ଦୋରରେ ଦେବୀ ଅହିଲ୍ୟାବାଈ ହୋଲ୍କର ଅନ୍ତଃରାଷ୍ଟ୍ରୀୟ ବିମାନବନ୍ଦରରେ ଜରୁରୀକାଳୀନ ଲ୍ୟାଣ୍ଡିଂ କରାଯାଇଥିବା କହିଛନ୍ତି ଜଣେ ଏୟାରପୋର୍ଟ କର୍ମଚାରୀ ।
କର୍ମଚାରୀଙ୍କ କହିବା ହେଉଛି, ଜଣେ ଯାତ୍ରୀ ହଠାତ୍ ଅଣନିଶ୍ୱାସୀ ଅନୁଭବ କରିବାରୁ ବାଙ୍ଗାଲୁରୁରୁ ଟେକ୍ ଅଫ୍ କରିଥିବା ଭିସ୍ତାରା ଫ୍ଲାଇଟ୍ UK-818, ଗୁରୁବାର ଇନ୍ଦୋରରେ ରାତି ୯ଟା ୩୦ରେ ଜରୁରୀକାଳୀନ ଭାବରେ ଲ୍ୟାଣ୍ଡ୍ କଲା । ଏହାପରେ ଉକ୍ତ ବ୍ୟକ୍ତିଙ୍କୁ ନିକଟସ୍ଥ ବନ୍ଥିଲା ହସ୍ପିଟାଲରେ ଭର୍ତ୍ତି କରାଯାଇଥିଲା । କିନ୍ତୁ ହସ୍ପିଟାଲରେ ଉକ୍ତ ବ୍ୟକ୍ତିଙ୍କୁ ମୃତ ଘୋଷଣା କରାଗଲା । ମୃତ ବ୍ୟକ୍ତିଙ୍କ ନାମ ହେଉଛି ମନୋଜ କୁମାର ଅଗ୍ରଓ୍ୱାଲ ।
ହସ୍ପିଟାଲ ନିର୍ଦ୍ଦେଶକଙ୍କ କହିବା ହେଉଛି ହୃଦଘାତ ଯୋଗୁଁ ମନୋଜଙ୍କର ମୃତ୍ୟୁ ହୋଇଥାଇପାରେ । ଏରୋଡୋମ ପୋଲିସ ଷ୍ଟେସନର ଜଣେ କର୍ମଚାରୀଙ୍କ କହିବା ହେଉଛି ମନୋଜଙ୍କ ଘର ଦିଲ୍ଲୀରେ । ତେବେ ପୋଷ୍ଟ ମର୍ଟମ ପରେ ମନୋଜଙ୍କ ମୃତ ଶରୀରକୁ ତାଙ୍କ ପରିବାରକୁ ହସ୍ତାନ୍ତର କରାଯିବ ।
