ନୂଆଦିଲ୍ଲୀ: ବିଷବଳୟରେ ରାଜଧାନୀ ଦିଲ୍ଲୀ। ଭୟଙ୍କର ପ୍ରଦୂଷଣ ଯୋଗୁ ଜୀବନ ମରଣ ସମସ୍ଯାରେ ଦିଲ୍ଲୀବାସୀ। ଦୀପାବଳି ପରଠାରୁ ମହାନଗରୀରେ ଏକ୍ଯୁଆଇ ୪୦୦ରୁ ଅଧିକ ରହୁଛି। ଫଳରେ ହଜାର ହଜାର ଲୋକ ନାହିଁ ନଥିବା ସମସ୍ଯାରେ ପଡୁଛନ୍ତି।
ଲୋକେ କଫ, ଜ୍ବରରେ ପୀଡ଼ିତ ହେଉଥିବାବେଳେ ସେମାନଙ୍କ ଆଖିରୁ ଲୁହ ଝରୁଥିବା ଦେଖାଯାଉଛି। ସେପଟେ କ୍ରୋନିକ ଅବଷ୍ଟ୍ରକ୍ଟିଭ ପଲମନାରୀ ଡିଜିଜ ବା ସିଓପିଡି, ନିମୋନିଆ, ବ୍ରୋଙ୍କାଇଟିସ, ନିମୋନିଆ ଆଦିରେ ଲେକେ ପୀଡ଼ିତ ଥିବା ଦେଖାଯାଉଛି। ବିଶେଷ କରି ବାୟୁ ମଣ୍ଡଳରେ ଓଜୋନ, ସଲଫର ଡାଇଅକ୍ସାଇଡ, କାର୍ବନ ମନୋକସାଇଡ ଓ ନାଇଟ୍ରୋଜେନ ଡାଇଅକ୍ସାଇଡ ଥିବାରୁ ଲୋକେ ନାହିଁ ନଥିବା ସମସ୍ଯାରେ ପୀଡ଼ିତ ହେଉଛନ୍ତି।
ଫୁସଫୁସ ବିଶେଷଜ୍ଞଙ୍କ ମତରେ ଦିଲ୍ଲୀରେ ଜଣେ ବ୍ଯକ୍ତି ଦୈନିକ ଯେତିକି ବାୟୁ ନିଶ୍ବାସ ପ୍ରଶ୍ବାସରେ ବ୍ଯବହାର କରୁଛନ୍ତି ତାହା ୨୫ରୁ ୩୦ଟି ସିଗାରେଟ ଟାଣିବା ସହ ସମାନ।
