ଲଗାଣ ବର୍ଷା ଯୋଗୁଁ ଖସିଲା ଏୟାରପୋର୍ଟ ଛାତ, ଜଣେ ମୃତ

ନୂଆଦିଲ୍ଲୀ :ଦିଲ୍ଲୀ ଇନ୍ଦିରାଗାନ୍ଧୀ ଅନ୍ତର୍ଜାତୀୟ ବିମାନବନ୍ଦରରେ ଛାତ ଭୁଶୁଡ଼ି ତିନି ଜଣଙ୍କର ମୃତ୍ଯୁ ହୋଇଛି । ଗୁରୁତର ଅବସ୍ଥାରେ ଆଉ ତିନିଜଣଙ୍କର ଚିକିତ୍ସା ଜାରି ରହିଛି । ଘଟଣାସ୍ଥଳରେ କେନ୍ଦ୍ର ବେସାମରିକ ବିମାନ ଚଳାଚଳ ମନ୍ତ୍ରୀ ରାମମୋହନ ନାୟୁଡ଼ୁ ପହଞ୍ଚି ସ୍ଥିତି ଅନୁଧ୍ଯାନ କରି ବରିଷ୍ଠ ଅଧିକାରୀଙ୍କ ସହ ଆଲୋଚନା କରିଛନ୍ତି । ମନ୍ତ୍ରୀ କହିଛନ୍ତି ୨୦୦୯ରୁ ଏକ ନମ୍ବର ଟର୍ମିନାଲଟି କାର୍ଯ୍ୟକ୍ଷମ ହୋଇଥିଲା । କେଉଁ ପରିସ୍ଥିତିରେ ଅଘଟଣ ଘଟିଲା ସେନେଇ ତଦନ୍ତ ହେବ । ରିପୋର୍ଟ ଆଧାରରେ ଦୋଷୀଙ୍କ ବିରୋଧରେ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ ।

ଏହାଛଡ଼ା ଅଘଟଣରେ ମୃତକଙ୍କ ପରିବାରକୁ ୨୦ ଲକ୍ଷ ଟଙ୍କା ଲେଖାଏଁ ଅନୁକମ୍ପା ସହାୟତା ପ୍ରଦାନ କରାଯିବ । ଆହତଙ୍କୁ ୩ଲକ୍ଷ ଟଙ୍କାରେ ସହାୟତା ପ୍ରଦାନ କରାଯିବ । ବିମାନବନ୍ଦରରୁ ଏବେ ବିମାନ ଚଳାଚଳ ବନ୍ଦ ରହିଛି । ଅପରାହ୍ନ ୨ଟା ପରେ ତିନି ଓ ଚାରି ନମ୍ବର ଟର୍ମିନାଲରୁ ବିମାନ ଚଳାଚଳ କରିବ ବୋଲି ମନ୍ତ୍ରୀ ସୂଚନା ଦେଇଛନ୍ତି । ଭୋର ସମୟରେ ପ୍ରବଳ ବର୍ଷା ପବନରେ ଏକ ନମ୍ବର ଟର୍ମିନାଲକ ଛାତ ଅଚାନକ ଖସି ପଡ଼ିଥିଲା । ଫଳରେ ଏହାତଳେ ଚାପିହୋଇ ଏକାଧିକ କାର କ୍ଷତିଗ୍ରସ୍ତ ହୋଇଥିଲା । କାରରେ ବସିଥିବା ୬ ଜଣ ଗୁରୁତର ଅବସ୍ଥାରେ ଡାକ୍ତରଖାନାରେ ଭର୍ତ୍ତି ହୋଇଥିଲେ । ସେମାନଙ୍କ ମଧ୍ଯରୁ ଜଣଙ୍କର ମୃତ୍ଯୁ ହୋଇଛି । ଟର୍ମିନାଲ ଭୁଶୁଡିବା ପରେ ସେଠାରେ ପାର୍କିଂ ଥିବା ଅନେକ କାର କ୍ଷତିଗ୍ରସ୍ତ ହୋଇଛି। ଇଣ୍ଜିଗୋ ଓ ସ୍ପାଇସ ଜେଟର ବିମାନ ସେବା ବାତିଲ ହୋଇଛି।.