ସୁଧୁରୁଛି ଦିଲ୍ଲୀ ବାୟୁ ପ୍ରଦୂଷଣ, ତଥାପି ଏସବୁ ଅଞ୍ଚଳରେ ସ୍ଥିତି ଗମ୍ଭୀର
1 min read
ଦିଲ୍ଲୀ: ସୁଧୁରୁନି ଦିଲ୍ଲୀ ବାୟୁ ପ୍ରଦୂଷଣ, AQI ରେକର୍ଡ ଲଗାତାର ଖରାପ ଶ୍ରେଣୀକୁ ଗତି କରୁଛି । ଯେଉଁ କାରଣରୁ ସ୍ଥିତିରେ କୌଣସି ସୁଧାର ଆସୁନାହିଁ। ଦିଲ୍ଲୀର ବାୟୁରେ ନିଶ୍ୱାସ ନେବା ଲୋକଙ୍କ ପାଇଁ କଷ୍ଟକର ହୋଇପଡୁଛି। ତେବେ ଶନିବାର ତୁଳନାରେ ସୋମବାର AQIରେ ସାମାନ୍ୟ ସୁଧାର ଆସିଛି । ସୋମବାର ଦିଲ୍ଲୀରେ AQI ୨୭୩ ରେକର୍ଡ କରାଯାଇଛି । କିନ୍ତୁ ଦିଲ୍ଲୀର ଅନେକ ଅଞ୍ଚଳରେ ପରିସ୍ଥିତି ଏବେବି ଗୁରୁତର ରହିଛି ।
ଗତ ମାସରୁ ଦିଲ୍ଲୀରେ ଶୀତ ବୃଦ୍ଧି ପାଇଥିବା ବେଳେ ରାଜଧାନୀବାସୀ ବର୍ତ୍ତମାନ ପ୍ରଦୂଷଣ ସହିତ କୁହୁଡ଼ିର ମଧ୍ୟ ସମ୍ମୁଖୀନ ହେଉଛନ୍ତି । ବର୍ତ୍ତମାନସୁଦ୍ଧା ଦିଲ୍ଲୀର ଅନେକ ଅଞ୍ଚଳ ବିଷବଳୟରେ ଘେରି ହୋଇ ରହିଛି । ଏଥିମଧ୍ୟରୁ ଆର.କେ ପୁରାମ ଅନ୍ତର୍ଭୁକ୍ତ, ଯେଉଁଠାରେ AQI ୩୦୭, ଶାଦିପୁର, ଯେଉଁଠାରେ AQI ୩୧୯, ନେହେରୁ ନଗରରେ AQI ୩୩୬, ଦ୍ୱାରକା ସେକ୍ଟର ୮ ରେ AQI ୩୦୮, ଜହାଙ୍ଗୀରପୁରୀରେ AQI ୩୧୦, ଆନନ୍ଦ ବିହାରରେ AQI ୩୦୪ ଅଛି ।ଏହି ସବୁ ଅଞ୍ଚଳରେ ପ୍ରଦୂଷଣ ବୃଦ୍ଧି ପାଉଛି। ଏଗୁଡିକ ଏପରି କ୍ଷେତ୍ର, ଯାହାର AQI ଏପର୍ଯ୍ୟନ୍ତ ୩୦୦ ରୁ କମ୍ ହୋଇନାହିଁ ।
ଏହା ବ୍ୟତୀତ ଆଇଟିଓ, ଜବାହରଲାଲ ନେହେରୁ ଷ୍ଟାଡିୟମ, ଲୋଦୀ ରୋଡ, ମେଜର ଧାନ ଚାନ୍ଦ ଜାତୀୟ ଷ୍ଟାଡିୟମ, ମନ୍ଦିର ମାର୍ଗ, ପୁସା ଦିଲ୍ଲୀ, ରୋହିଣୀ, ସିରୀ ଦୁର୍ଗ, ସୋନିଆ ବିହାର, ବିବେକ ବିହାର, ୱାଜିରପୁର, ଶ୍ରୀ ଅରୋବିନ୍ଦ ପାର୍କ, ନରେଲା, ନେହରୁ ନାଗର ଏହି ସବୁ ସ୍ଥାନଗୁଡିକରେ ୨୫୦ ରୁ ଅଧିକ AQI ଅଛି ।
