କରୋନା କାଳରେ ପର୍ଯ୍ୟଟକଙ୍କ ଉପରେ ଫୋକସ୍, ମିଳିବ ସବୁ ସୁବିଧା
ଭୁବନେଶ୍ୱର: ଓଡ଼ିଶା ପର୍ଯ୍ୟଟନ ଶିଳ୍ପର ବିକାଶ ପାଇଁ ରାଜ୍ୟ ସରକାରଙ୍କ ପଦକ୍ଷେପ । କୋଭିଡ ସମୟରେ କୌଣସି ପର୍ଯ୍ୟଟକଙ୍କ ଅସୁବିଧା ନହେବାକୁ ନେଇ ହୋଟେଲ ଓ ରେଷ୍ଟୁରାଣ୍ଟର କର୍ମକର୍ତ୍ତାକୁ ଧ୍ୟାନ ଦେବାକୁ କହିଲେ ମୁଖ୍ୟ ଶାସନ ସଚିବ । ଆଜି ଲୋକସେବା ଭବନର କନକ୍ଲେଭ ହଲରେ ହୋଟେଲ ଓ ରେଷ୍ଟୁରାଣ୍ଟ ଖୋଲିବା ନେଇ କର୍ମକର୍ତ୍ତାଙ୍କୁ ଉଦବୋଧନ ଦେଇଥିଲେ ।
ଉଦ୍ବୋଧନରେ ଶ୍ରୀ ତ୍ରିପାଠୀ କହିଥିଲେ, ଚଳିତ ବର୍ଷ କୋଭିଡ୍ ପାଇଁ ପର୍ଯ୍ୟଟନ କ୍ଷେତ୍ର ଉପରେ ବିଶେଷ ପ୍ରଭାବ ପଡ଼ିଛି । ଏବଂ ବହୁ କ୍ଷତି ହୋଇଛି । ଏହି ଶିଳ୍ପଗୁଡ଼ିକୁ କିପରି ଅଧିକ କ୍ରିୟାଶୀଳ କରାଯିବ ଏବଂ ପର୍ଯ୍ୟଟକ ମାନେ ଯେପରି ଆତ୍ମସନ୍ତୋଷ ଲାଭ କରିପାରିବେ ସେନେଇ ଦୃଷ୍ଟି ଦେବାକୁ କହିଥିଲେ ଶ୍ରୀ ତ୍ରିପାଠୀ । ଓଡ଼ିଶାରେ କୋଭିଡ୍ ପରିଚାଳନା ସନ୍ତୋଷ ଜନକ ହୋଇଥିବା ବେଳେ ଏହି ଦୁଃସମୟରେ ପର୍ଯ୍ୟଟକ ମାନଙ୍କୁ ଉତ୍ତମସେବା ଯୋଗାଇଦେବାକୁ ଶ୍ରୀ ତ୍ରିପାଠୀ କହିଥିଲେ ।
