ଦରକାର ହେଲେ ଆଉ କାହା ମାଟିରୁ ବି କରିବୁ ଆକ୍ରମଣ, ପାକିସ୍ତାନକୁ ଭାରତର ଚେତାବନୀ
ନୂଆଦିଲ୍ଲୀ: ନା ନେଇ ପାକିସ୍ତାନକୁ ଚେତାବନୀ ଦେଇଛନ୍ତି ପ୍ରତିରକ୍ଷା ମନ୍ତ୍ରୀ ରାଜନାଥ ସିଂହ । ସେ କହିଛନ୍ତି, ଗୋଟିଏ ଦେଶ ଆତଙ୍କବାଦୀଙ୍କ ସାହାରା ନେଉଛି । କିନ୍ତୁ ଭାରତ ନିଜର ସୁରକ୍ଷା ସହ ସାଲିସ୍ କରିବ ନାହିଁ । ଦରକାର ପଡ଼ିଲେ ତାଙ୍କ ଭୂମି ଉପରେ ଯାଇ ଆତଙ୍କବାଦକୁ ଶେଷ କରି ଦେବୁ । ତାମିଲନାଡ଼ୁର ୱେଲିଂଟନ ଡିଫେନ୍ସ ସର୍ଭିସ୍ ଷ୍ଟାଫ୍ କଲେଜ କାର୍ଯ୍ୟକ୍ରମରେ ଏଭଳି ମନ୍ତବ୍ୟ ଦେଇଛନ୍ତି ରାଜନାଥ ।
ରାଜନାଥ ସିଂହ କହିଛନ୍ତି, ଯଦି ଭାରତ ଓ ପାକିସ୍ତାନ ମଧ୍ୟରେ ଅସ୍ତ୍ରବିରତି ସଫଳ ହୋଇଛି ତ ତାହା ଆମ ଶକ୍ତି ଯୋଗୁଁ । ୨୦୧୬ରେ ପାକିସ୍ତାନର କ୍ରସ ବର୍ଡର ଷ୍ଟ୍ରାଇକର ଆମେ ଦୃଢ଼ ଜବାବ ଦେଇଥିଲୁ । ୨୦୧୯ରେ ବାଲାକୋଟ ଏୟାରଷ୍ଟ୍ରାଇକ ଦ୍ୱାରା ଆକ୍ରାମଣାତ୍ମକ ମନୋଭାବ ମଜଭୁତ ହୋଇଥିଲା ।
ଭାରତରେ ଆତଙ୍କବାଦକୁ ତ ନିପାତ କରାଯିବ । ଏପରିକି ଅନ୍ୟ କେଉଁ ଦେଶକୁ ଯାଇ ଆତଙ୍କବାଦକୁ ଦମନ କରିବାକୁ ହେଲେ ଭାରତ ପଛଘୁଞ୍ଚା ଦେବ ନାହିଁ । ଆମେ ପାଖେ ଏମିତି କ୍ଷମତା ଅଛି ଆମେ ଆମ ଭୂଇଁ ହେଉ ଅବା ତାଙ୍କ ମାଟି ସେଠୁ ଲଢ଼େଇ କରି ପାରିବୁ ।
