ଲାକ୍ଷାଦ୍ୱୀପରେ INSର ନୂଆ ବେସ୍ ; ଏଥର ପଡ଼ୋଶୀ ରାଷ୍ଟ୍ର ଉପରେ ନଜର ରଖିବ ଭାରତ

ନୂଆଦିଲ୍ଲୀ : ମାଳଦ୍ୱୀପ ଏବଂ ଚୀନର କାର୍ଯ୍ୟକଳାପ ଉପରେ ନଜର ରଖିବା ପାଇଁ ଭାରତର ନୂଆ ଚାଲ୍  ।  ପଡୋଶୀ ରାଜ୍ୟ ଉପରେ ଟିକିନିକି ନଜର ରଖିବା ପାଇଁ ବଡ଼ ପଦକ୍ଷେପ ନେଇଛି ଭାରତ ସରକାର । ଲକ୍ଷଦ୍ୱୀପର ମିନିକୋଏ ଆଇଲ୍ୟାଣ୍ଡରେ ନୌସେନାଙ୍କ ଏକ ବେସ୍ କ୍ୟାମ୍ପ ପ୍ରସ୍ତୁତ କରାଯାଇଛି । ଯାହା ୪ କିମ୍ବା ୫ ମାର୍ଚ୍ଚରେ ପ୍ରତିରକ୍ଷା ମନ୍ତ୍ରୀ ରାଜନାଥ ସିଂହଙ୍କ ଦ୍ୱାରା ଉଦଘାଟନ କରାଯିବ  । ଏହା ଛଡା ଅତାଗୀ ଆଇଲାଣ୍ଡରେ ମଧ୍ୟ ଏକ ବେସ୍ କ୍ୟାମ୍ପ ତିଆରି କରାଯିବ  ।

ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ଲକ୍ଷଦ୍ୱୀପ ଯାତ୍ରାପରେ ଭାରତ ସରକାର ଅଗାତୀ ଏବଂ ମିନିକୋଏ ଆଇଲ୍ୟାଣ୍ଡରେ ନୌସେନାଙ୍କ ବେସ୍ ନିର୍ମାଣ କରାଯିବା ନେଇ ନିଷ୍ପତ୍ତି ନେଇଛନ୍ତି । ମିନିର୍କାୟରେ ଆଇଏନଏସ୍  ଜଟାୟୁର ନୌସେନାଙ୍କ ବେସ୍ ନିର୍ମାଣ କରାଯାଉଛି ।  ଏହି ସେନା ବେସ୍ ଲକ୍ଷଦ୍ୱୀପ ଠାରୁ ମାତ୍ର ୫୨୪ କିମି ଦୂରରେ ଅବସ୍ଥିତ । କେବଳ ଏତିକି ନୁହେଁ ଭାରତ ନିଜର ଅଗାତୀ ଆଇଲ୍ୟାଣ୍ଡରେ ଏବେ  ଏୟାଷ୍ଟ୍ରିପକୁ ଅପଗ୍ରେଡ୍ କରୁଛି । ଯାହାର ବ୍ୟବହାର ଫାଇଟର ଜେଟ୍ ଏବଂ ଭାରୀ ବିମାନ ସଂଚାଳନ ପାଇଁ କରାଯିବ । ଏହା ସହିତ ମାଳଦ୍ୱୀପ ଏବଂ ଚୀନ ଉପରେ ମଧ୍ୟ କଡ଼ା ନଜର ରଖାଯାଇପାରିବ ।