ଦରକାର ହେଲେ ଭାରତକୁ ଅଧିକ ରାଫେଲ ଦେବୁ: ଫ୍ରାନ୍ସ ପ୍ରତିରକ୍ଷା ମନ୍ତ୍ରୀ

ନୂଆଦିଲ୍ଲୀ: ଭାରତ ଗସ୍ତରେ ଅଛନ୍ତି ଫ୍ରାନ୍ସ ପ୍ରତିରକ୍ଷା ମନ୍ତ୍ରୀ ଫ୍ଲୋରେନ୍ସ ପାର୍ଲେ । ଭାରତ ଗସ୍ତରେ ଆସିଥିବା ପାର୍ଲେ କହିଛନ୍ତି କି ଦରକାର ହେଲେ ଫ୍ରାନ୍ସ ଭାରତକୁ ଆହୁରି ଅଧିକ ରାଫେଲ ଯୁଦ୍ଧ ବିମାନ ଯୋଗାଇବାକୁ ପ୍ରସ୍ତୁତ । ସେ ଆହୁରି ମଧ୍ୟ କହିଛନ୍ତି ଯେ ରଣନୈତିକ ଦୃଷ୍ଟିରୁ ସମାନ ପ୍ରକାରର ବିମାନ ବ୍ୟବହାର ଦ୍ୱାରା ଭାରତ-ଫ୍ରାନ୍ସ ମଧ୍ୟରେ ସମ୍ପର୍କ ବୃଦ୍ଧି ପାଇବ ।

ଭାରତ ଗସ୍ତରେ ଆସିଥିବା ପାର୍ଲେ ଭାରତର ପ୍ରତିରକ୍ଷା ମନ୍ତ୍ରୀ ରାଜନାଥ ସିଂଙ୍କ ସହ ଆଲୋଚନା ପୂର୍ବରୁ ଥିଙ୍କଟ୍ୟାଙ୍କରେ ଏହି ମନ୍ତବ୍ୟ ଦେଇଛନ୍ତି। ଏହାପୂର୍ବରୁ ଗୁରୁବାର ଦିନ ଫ୍ରାନ୍ସ ଦୂତାବାସ ସୂଚନା ଦେଇଥିଲା କି କୋଭିଡ-୧୯ ମହାମାରୀ ସତ୍ତ୍ୱେ ଭାରତକୁ ନିର୍ଦ୍ଧାରିତ ସମୟରେ ୩୩ଟି ରାଫେଲ ଯୁଦ୍ଧ ବିମାନ ଯୋଗାଇ ଦିଆଯାଇଛି । ଭାରତ ଫ୍ରାନ୍ସ ସହ ସେପ୍ଟେମ୍ବର ୨୦୧୬ ପ୍ରାୟ ୫୯ ହଜାର କୋଟି ଟଙ୍କାରେ ୩୬ଟି ରାଫେଲ ଯୁଦ୍ଧ ବିମାନ ପାଇଁ ଚୁକ୍ତି ସ୍ୱାକ୍ଷର କରିଥିଲା।

Ready to provide additional Rafale aircraft to India: French Defence Minister

Read @ANI Story | https://t.co/RNeFr9BHE3 pic.twitter.com/tMY9ris7K4

— ANI Digital (@ani_digital) December 17, 2021

ଏକ ପ୍ରଶ୍ନର ଉତ୍ତରରେ ପାର୍ଲେ କହିଛନ୍ତି, ‘ମୁଁ ଖୁସି ଯେ ଭାରତୀୟ ବାୟୁସେନା ରାଫେଲ ବିମାନରେ ସନ୍ତୁଷ୍ଟ ଏବଂ ଆମେ ଗର୍ବିତ ଯେ କୋଭିଡ -୧୯ ମହାମାରୀ ସତ୍ତ୍ୱେ ଆମେ ଚୁକ୍ତିନାମା ଅନୁଯାୟୀ ୩୬ଟି ବିମାନ ଯୋଗାଇ ଦେଇଛୁ। ଆମ ପାଇଁ ଏହା ଏକ ସଫଳତା । ଯଦି ଭାରତକୁ ଆଉ ଅତିରିକ୍ତ ରାଫେଲ ଦରକାର ତେବେ ଆମେ ଦେବା ପାଇଁ ପ୍ରସ୍ତୁତ ଅଛୁ ବୋଲି କହିଛନ୍ତି ଫ୍ରାନ୍ସ ପ୍ରତିରକ୍ଷା ମନ୍ତ୍ରୀ ଫ୍ଲୋରେନ୍ସ ପାର୍ଲେ ।

Delhi | We're ready to answer any addl needs or requests that could be made by India. We know that an aircraft carrier will soon be delivered. Aircraft are needed. So we're open& ready to provide any other Rafale if this is India’s decision: French Defence Minister Florence Parly pic.twitter.com/D2UMKRNzAY

— ANI (@ANI) December 17, 2021

ଭାରତୀୟ ନୌସେନାରେ ଦ୍ୱିତୀୟ ବିମାନ ପରିବହନକାରୀ ଜାହାଜ ପାଇଁ ଯୋଜନା ପ୍ରସ୍ତୁତ କରୁଥିବାବେଳେ ଫ୍ରାନ୍ସ ପ୍ରତିରକ୍ଷା ମନ୍ତ୍ରୀ ସୂଚାଇ ଦେଇଛନ୍ତି ଯେ ଜାହାଜ ଭିତ୍ତିକ ଯୁଦ୍ଧ ବିମାନ ଯୋଗାଇବାକୁ ଫ୍ରାନ୍ସ ଆଗ୍ରହୀ । ସେ କହିଛନ୍ତି, ‘ଆମେ ଜାଣୁ ଯେ ବିମାନ ପରିବହନକାରୀ ଶୀଘ୍ର ସେବାରେ ଆସିବ। ଏଥିପାଇଁ ଯୁଦ୍ଧ ବିମାନ ଆବଶ୍ୟକ ହେବ | ଯଦି ଭାରତ ନିଷ୍ପତ୍ତି ନିଏ, ତେବେ ଆମେ ଆହୁରି ରାଫେଲ ଦେବାକୁ ପ୍ରସ୍ତୁତ ବୋଲି ସେ କହିଥିଲେ । ସବୁଠାରୁ ଗୁରୁତ୍ୱପୂର୍ଣ୍ଣ କଥା ହେଉଛି ଭାରତର ପ୍ରଥମ ସ୍ୱଦେଶୀ ନିର୍ମିତ ବିମାନ ପରିବହନକାରୀ ଜାହାଜ ବିକ୍ରାନ୍ତ ଆସନ୍ତା ବର୍ଷ ଅଗଷ୍ଟରେ ଭାରତୀୟ ନୌସେନାରେ ଭର୍ତ୍ତି ହେବାର ଯୋଜନା ରହିଛି ।