ଉଦାସୀନତାର ଶିକାର ହେବା ପରେ ନିଶା ନେଉଥିଲେ ଦୀପିକା !

ମୁମ୍ବାଇ: ବଲିଉଡ୍ ଅଭିନେତା ସୁଶାନ୍ତ ସିଂହ ରାଜପୁତ ମୃତ୍ୟୁ ମାମଲାରେ ତଦନ୍ତ ଆଗକୁ ବଢ଼ିବା ସହ ନୂଆ ନୂଆ ଖୁଲାସା ହେଉଛି । ମାୟାନଗରୀର କେତକ ବଡ଼ ତାରକା ଡ୍ରଗ୍ସ ମାମଲାରେ ଫସିବାରେ ଲାଗିଛନ୍ତି । ଯେଉଁଥିରେ ବଡ଼ ନାଁ ହେଉଛି ଦୀପିକା ପାଦୁକୋନ । ବଲିଉଡରେ ଚମକୁଥିବା ଏହି ସଫଳ ନାଇକା ଅବସାଦରେ ଥିଲେ । ପ୍ରଶ୍ନ ଉଠୁଛି ଡିପ୍ରେସନ୍ ଓ ଡ୍ରଗ୍ସ ଭିତରେ କଣ ରହିଛି ସମ୍ପର୍କ ? ଦୀପିକା ନିଜେ ମାନିଛନ୍ତି ତାଙ୍କ ଜୀବନରେ ୨୦୧୪ ମସିହା ଥିଲା ଖରାପ ବର୍ଷ ।

ପରଦାର କାହାଣୀ କେତେବେଳେ ଯେ ବାସ୍ତବିକ ଜୀବନରେ ସତ ହୋଇଗଲା, ଜଣାପଡ଼ିଲା ନାହିଁ । ୨୦୧୧ ମସିହାରେ ଦୀପିକାଙ୍କ ଫିଲ୍ମ ‘ଦମ୍ ମାରୋ ଦମ୍’ ଆସିଥିଲେ ଓ ତାର ଠିକ୍ ତିନିବର୍ଷ ପରେ ତାଙ୍କ ଜୀବନରେ ଝଡ଼ଝଞ୍ଜା ଆସିଥିଲା । ଦୀପିକା ଡିପ୍ରେସନକୁ ଚାଲି ଯାଇଥିଲେ । କାହାକୁ ଜଣା ନଥିଲା ଏତେ ବଡ଼ ଅଭିନେତ୍ରୀଙ୍କୁ କଣ ହୋଇଛି ।

ଏ କଥାକୁ ବାଦ୍ ଦେଲେ ଚଳିତବର୍ଷ ଦାବୋସରେ ଦୀପିକାଙ୍କୁ ମେଣ୍ଟାଲ ହେଲଥ ଉପରେ ସଚେତନତା ପାଇଁ କ୍ରିଷ୍ଟାଲ ଆୱାର୍ଡ ମିଳିଥିଲା । ଜୁନରେ ସୁଶାନ୍ତ ସିଂହ ରାଜପୁତଙ୍କ ମୃତ୍ୟୁ ପରେ ଦୀପିକା ଏକ ଟ୍ୱିଟ୍ କରିଥିଲେ । ଲେଖିଥିଲେ- ମୋ ସହିତ କୁହନ୍ତୁ, ଆପଣ ଡ୍ରିପେସନକୁ ମୁହଁ ମୋଡ଼ି ପାରିବେ ନାହିଁ ।

ତେବେ, ଦୀପିକାଙ୍କ ଡ୍ରଗ୍ସ ଚାଟ୍ ସାମନାକୁ ଆସିବା ପରେ ଡିପ୍ରେସନ୍ ଓ ଡ୍ରଗ୍ସ କନେକ୍ସନର ତଦନ୍ତ ଆରମ୍ଭ ହୋଇଛି । ଏହାକୁ ନେଇ କଙ୍ଗନା ତୀର ମାରିଛନ୍ତି । ଡିପ୍ରେସନ୍ ଉପରେ କହୁଥିବା ଦୀପିକା କାହିଁକି ଡ୍ରଗ୍ସକୁ ନେଇ ଚୁପ୍ ବୋଲି ପଚାରିଛନ୍ତି କଙ୍ଗନା । ଏବେ ତାଙ୍କୁ ଯାଞ୍ଚ ଏଜେନ୍ସି ସମ୍ମୁଖରେ ମୁହଁ ଖୋଲିବାକୁ ପଡ଼ିବ । ଦୀପିକାଙ୍କୁ ବତାଇବାକୁ ପଡ଼ିବା ଏହା କଣ, କେମିତ ? ଏହି ମାଲ୍ କଣ ଅଟେ ?

ନାର୍କୋଟିକ୍ସ କଣ୍ଟ୍ରୋଲ୍ ବ୍ୟୁରୋ ଡ୍ରଗ୍ସ ଚାଟକୁ ନେଇ ଦୀପିକାଙ୍କ ବିରୋଧରେ ଏହି ସବୁ ଧାରା ଲଗାଇପାରେ

ଧାରା ୮ (ସି)- ନିଷେଧ ଦ୍ରବ୍ୟ କିଣିବା ଓ ବ୍ୟବହାର କରିବା

ଧାରା ୨୦ (ବି) (ii)- ଡ୍ରଗ୍ସ ତିଆରି, ରଖିବା, ବିକ୍ରି କରିବା, କିଣିବା ଅଥବା ବ୍ୟବହାର କରୁଥିବା ଜଣାପଡ଼ିବା

ଧାରା ୨୭ (ଏ)- ଅଙ୍କୁଶ ଥିବା ଡ୍ରଗ୍ସ ସମ୍ବନ୍ଧିତ କାର୍ଯ୍ୟକଳାପକୁ ପ୍ରୋତ୍ସାହନ ଦେବା

ତେବେ, ଏଥିପାଇଁ ଏନସିବିକୁ ଦୀପିକା ଅଙ୍କୁଶ ଲାଗିଥିବା ଡ୍ରଗ୍ସ କିଣିବା, ଦେଣନେଣ ସହ ପରିବହନକୁ ସାବ୍ୟସ୍ତ କରିବାକୁ ପଡ଼ିବ । ଏଥିପାଇଁ ଏନସିବି ପ୍ରଥମରୁ କ୍ୱାନ କମ୍ପାନୀ ମାଲିକ, ସିଇଓ ଧ୍ରୁବ ଓ ମ୍ୟାନେଜର ଜୟା ଶାହା ଓ କରିଶ୍ମାଙ୍କୁ ପଚରାଉଚରା କରିଛି ।